ქსენია სიხარულიძე

დაბადების ადგილი: სოფელი გოგოლესუბანი, ჩოხატაურის რაიონი.

დაამთავრა თბილისის სახელმწიფო უნივერსიტეტის სიბრძნისმეტყველების ფაკულტეტი 1929 წელს. 

1936 წლიდან მუშაობდა უნივერსიტეტთან არსებულ შოთა რუსთაველის სახელობის ლიტერატურის ინსტიტუტის ფოლკლორის განყოფილებაში, 1968 წლიდან ხელმძღვანელობდა ფოლკლორისტიკის კათედრას. იკვლევდა ქართული ფოლკლორის აქტუალურ პრობლემებს: საბავშო ფოლკლორს, საწესჩვეულებო პოეზიას, საგმირო და საისტორიო ზეპირსიტყვიერებას, ფოლკლორულ-ლიტერატურულ ურთიერთობებს და სხვა. ძირითადი ნაშრომები: "ქართული ხალხური საგმირო-საისტორიო სიტყვიერება" (1949), "ქართველი მწერლები და ხალხური სიტყვიერება" (I, 1956: II, 1966), "ქართული ხალხური საინტერესო სიტყვიერება"( სამ ტომად, 1961, 1964, 1967), "ქართული ხალხური საგმირო პოეზიის საკითხები" (1970), "ქართული ფოლკლორისა და თეორიის საკითხები" (1976) და სხვა. დიდი ამაგი დასდო ფოლკლორულ ნიმუშთა შეკრებასა და გამოცემას. ნაშრომები თარგმნილია რუსულ, უნგრულ, გერმანულ, ინგლისურ ენებზე. ფილოლოგიის მეცნიერებათა დოქტორი (1948), პროფესორი (1954).

წყარო: ქართული საბჭოთა ენციკლოპედია: ტ.9-თბ., 1985.-გვ.414

• ნარატიული ფოლკლორის შემსწავლელი საერთაშორისო საზოგადოების , წევრი (1969-)
• სკკპ, წევრი (1951-)

• 1960 - საქართველოს მეცნიერებათა დამსახურებული მოღვაწე

• ქართველი სახალხო გმირები (ავტორი). - თბილისი, საბლიტგამი, 1952. - 131გვ.
• ქართული ხალხური საგმირო-საისტორიო სიტყვიერება (ავტორი). - თბილისი, სტალინის სახ. თბილისის სახელმწ. უნ-ტის გამ-ბა, 1949. - 306გვ.
• თამარ მეფე ხალხურ შემოქმედებაში (ავტორი). - თბილისი, 1943. - 40გვ.
• ხალხური ზღაპრები (ავტორი). - თბილისი, საქართველოს ალკკ ცკ, საბავშვო და ახალგაზრდ. ლიტგამ-ბა, 1938. - 180გვ.
• ქართული საბავშვო ფოლკლორი (ავტორი). - თბილისი, სტალინის სახ. თბილ. უნ-ტის გამ-ბა, 1938. - 251გვ.