რამაზ სურმანიძე

დაბადების ადგილი: სოფელი ჭალა, შუახევის რაიონი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1956 წელს.

1944-1947წწ. იყო შუახევის რაიონის სოფელ ჭალის ფოსტალიონი; 1950-1956წწ. თბილისის პირველი კლინიკური საავადმყოფოს სანიტარი; 1956-1957წწ. შუახევის რაიონის სოფელ ბარალეთის ამბულატორიის გამგე; 1957-1963წწ. ამავე რაიონის მთავარი ექიმი; 1963-1974წწ. ბათუმის N1 საავადმყოფოს მთავარი ექიმის მოადგილე, ბათუმის საქალაქო საბჭოს აღმასკომის ჯანმრთელობის დაცვის განყოფილების გამგე; 1969-1979წწ. ბათუმის შოთა რუსთაველის სახელმწიფო უნივერსიტეტში ხელმძღვანელობდა მედიცინის დების მოსამზადებელ კურსებს, ასწავლიდა სასკოლო ჰიგიენას ასაკობრივი ფიზიოლოგიით; 1975-1977წწ. პროფკავშირთა კურორტების მართვის აჭარის საოლქო საბჭოს თავმჯდომარის მოადგილე, თავმჯდომარე; 1977-1985წწ. აჭარის ჯანმრთელობის დაცვის მინისტრი; 1985 წლიდან სანიტარიული განათლების საოლქო სახლის ექიმი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ფორმა: მაჟორიტარული, მაჟორიტარი შუახევის №118 საარჩევნო ოლქიდან; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 1991 წელს რამაზ სურმანიძემ დააარსა ბათუმის სამედიცინო-ეკოლოგიური ინსტიტუტი, რომლის რექტორი იყო წლების განმავლობაში; 1994–2004წწ. იყო უცხოეთში მცხოვრებ თანამემამულეებთან კულტურული ურთიერთობის საქართველოს საზოგადოების აჭარის ორგანიზაციის თავმჯდომარე; 2003–2008წწ. მომავალ მედიკოსებს მედიცინის ისტორიას უკითხავდა. გამოქვეყნებული აქვს სამეცნიერო ნაშრომები, ისტორიულ-გენეალოგიური ნარკვევები, რომანები და მოთხრობები, პუბლიცისტიკა. მედიცინის მეცნიერებათა კანდიდატი (1968), მედიცინის მეცნიერებათა დოქტორი (1999), პროფესორი.

წყარო: ბათუმის შოთა რუსთაველის სახელმწიფო უნივერსიტეტი: bsu.edu.ge; საქართველოს პარლამენტის ვებგვერდი: parliament.ge; ajaratv.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 317; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.200; საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ. 71გვ.

• აჭარის ავტონომიური რესპუბლიკის უმაღლესი საბჭო, დეპუტატი (2008-2012)
• აჭარის ჩოხოსან რაინდთა ორგანიზაცია, დამფუძნებელი და საპატიო თავმჯდომარე
• მედიცინის მეცნიერებათა აკადემია, ნამდვილი წევრი
• სამედიცინო ეკოლოგიის აკადემია, ნამდვილი წევრი
• საქართველოს მწერალთა კავშირი, წევრი (1987-)
• საქართველოს ჟურნალისტთა კავშირი, წევრი (1983-)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• ფაზისის საერო აკადემია, ნამდვილი წევრი

• 1997 - ღირსების ორდენი
• ბათუმის საპატიო მოქალაქე
• ზაქარია ჭიჭინაძის სახელობის პრემია
• ილია ჭავჭავაძის სახელობის პრემია
• აჭარის ავტონომიური რესპუბლიკის დამსახურებული ექიმი
• ტბელ აბუსერისძის სახელობის პრემია
• საქართველოს დამსახურებული ექიმი

• ბავშვთა და მოზარდთა ასაკობრივ-სქესობრივი საფუძვლები : დამხმარე სახელმძღვანელო მშობლების, პედაგოგების და სკოლის ექიმებისთვის (ავტორი). - თბილისი, 2016. - 188გვ.
• ლაზეთის ლეგენდა : რომანი (ავტორი). - თბილისი, ინოვაცია, 2010. - 192გვ. . - ISBN: 9789941912580
• მფარველი ანგელოზები : საქართველოს წითელი ჯვრის საზოგადოება (ავტორი). - ბათუმი, გამ-ბა აჭარა, 2005. - 241გვ. . - ISBN: 9994021478
• მურღულის ქვა : რომანი; ახალი მოთხრობები (ავტორი) // წ. 1 . - ბათუმი, ალიონი, 2003. - 243გვ. . - ISBN: 9992843713
• მცირე კარაბადინი : აჭარული ვარიანტი (ავტორი) // ნაწ. 2 . - ბათუმი, ჟურნ. "ჭოროხის" გამოც., 1990. - 214გვ.
• მცირე კარაბადინი : აჭარული ვარიანტი (ავტორი) // ნაწ. 1 . - ბათუმი, ჟურნ. "ჭოროხის" გამოც., 1990. - 100გვ.