ზაზა სხირტლაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი, ხელოვნებათმცოდნეობის სპეციალობით 1979 წელს.

1979-2004წწ. - ქართული ხელოვნების ისტორიის ინსტიტუტის თანამშრომელი; 1985-1997წწ. - თბილისის სახელმწიფო უნივერსიტეტის საზოგადოებრივ პროფესიათა ფაკულტეტის ლექტორი; 1987-1998წწ. - თბილისის სახელმწიფო უნივერსიტეტის დოცენტი, აღმოსავლეთმცოდნეობის ფაკულტეტის კავკასიოლოგიის კაბინეტის გამგე; 1988-1998წწ. - თბილისის სასულიერო აკადემიის პედაგოგი; 1998-2009წწ. - თბილისის სასულიერო აკადემიის ქრისტიანული ხელოვნების კათედრის გამგე; 2003 წლიდან - თბილისის სახელმწიფო უნივერსიტეტის ხელოვნების ისტორიისა და თეორიის ინსტიტუტის პროფესორი; 2006 წლიდან - ამავე უნივერსიტეტის ხელოვნების ისტორიისა და თეორიის ინსტიტუტის ხელმძღვანელი; 1996 წლიდან - გარეჯის კვლევის ცენტრის თავმჯდომარე; 2003 წლიდან - საქართველოს საპატრიარქოს საეკლესიო ხელოვნების კვლევის ცენტრის ხელმძღვანელი. 2006 წლიდან - საეკლესიო-საენციკლოპედიო ცენტრის ერთ-ერთი დამფუძნებელი, საქართველოს ეკლესიის ენციკლოპედიის რედაქტორი (ხელოვნების მიმართულება). სამეცნიერო ინტერესები: ძველი ქართული სახვითი ხელოვნება, მისი მიმართება აღმოსავლეთისა და დასავლეთის მხატვრულ ტრადიციასთან; ქართულ-სომხური კულტურული ურთიერთობები; მონასტიციზმი, გარეჯის მრავალმთის კულტურული მემკვიდრეობა; ქართულ ხელოვნებასთან დაკავშირებული საისტორიო, საარქივო დაეპიგრაფიკული წყაროების შესწავლა-პუბლიკაცია. ოცი წიგნის, მათ შორის თოთხმეტი მონოგრაფია (1985-2020 წწ.), ორასამდე სტატიის, რეცენზიის, თეზისის ავტორი. ხელოვნებათმცოდნეობის მეცნიერებათა დოქტორი (2003), პროფესორი.

საკანდიდატო დისერტაციის თემა - "ბერთუბნის მონასტრის მთავარი ტაძრის მოხატულობა", დაიცვა 1987 წელს; სადოქტორო დისერტაციის თემა - "VIII-IX სს. ქართული მონუმენტური ფერწერის ძირითადი საკითხები. თელოვანის ჯვარპატიოსანი და გარდამავალი ხანის მხატვრული ტენდენციები", დაიცვა 2003 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.587; საქართველოს მეცნიერებათა ეროვნული აკადემია: science.org.ge

• გელათის მეცნიერებათა აკადემია, წევრი (2010-)
• რუსთაველის ეროვნული სამეცნიერო ფონდის სამეცნიერო საბჭოს ფონდი, წევრი (2007-2011)
• საქართველოს ბიზანტინისტთა ასოციაცია, წევრი (2007-)
• საქართველოს მეცნიერებათა ეროვნული აკადემიის ქრისტიანული თეოლოგიისა და რელიგიის ისტორიის შემსწავლელი კომისია, წევრი (2007-)
• საქართველოს პატრისტიკული ასოციაცია, წევრი (2014-)
• საქართველოს საპატრიარქოს საეკლესიო ხელოვნებსა და რესტავრაციის საბჭო, წევრი (1994-2007)

• წმინდა შიო მღვიმელის ცხოვრების ძველი ნუსხა = An old manuscript of the life of Saint Shio Mgvimeli (თანაავტორი). - თბილისი, შპს "ფავორიტი სტილი", 2014. - 184გვ.
• სორის ეკლესია [სოფელი რაჭაში] (თანაავტორი). - თბილისი, შპს "სეზანი", 2009. - 60გვ. . - ISBN: 9789941416200
• ოთხთა ეკლესიის ფრესკები = The frescoes of Otkhta eklesia (ავტორი). - თბილისი, 2009. - 405გვ.. - ISBN: 9789941029608
• ადრეული შუა საუკუნეების ქართული კედლის მხატვრობა: თელოვანის ჯვარპატიოსანი = Early medieval georgian monumental painting: Telovani church of the holy cross (ავტორი). - თბილისი, [საქ. საპატრიარქოს საეკლესიო ხელოვნების კვლ. ცენტრი, 2008. - 357გვ.. - ISBN: 9789941404344
• ისტორიულ პირთა პორტრეტები გარეჯის მრავალმთის ქოლაგირის მონასტერში (ავტორი). - თბილისი, გარეჯის კვლევის ცენტრი, 2000. - 134გვ.. - ISBN: 9992873035
• ივერიის ღმრთისმშობლის ხატის მოჭედილობა (ავტორი). - თბილისი, "ლიტა"-ს სტ., 1994. - 72გვ.