მარჯორი უორდროპი

ინგლისელი მთარგმნელი ქალი, ქართული კულტურისა და მწერლობის პოპულარიზატორი; დამოუკიდებლად შეისწავლა ქართული ენა, მრავალი ნაწარმოები თარგმნა ქართულიდან ინგლისურად; საქართველოს ისტორიითა და ქართული მწერლობით უცხოელ მწერალთა და მეცნიერთა დაინტერესების საქმეში უდიდესი როლი ითამაშა ვეფხისტყაოსნის მისეულმა სრულმა პროზაულმა თარგმანმა (გამოაქვეყნა მისმა ძმამ ჯ. ო. უორდროპმა ლონდონში, უორდროპის სიკვდილის შემდეგ, 1912), რითაც მკითხველი საზოგადოება პირველად გაეცნო რუსთაველის პოემას ინგლისურ ენაზე; ორჯერ იყო თბილისში; იმოგზაურა საქართველოში (1894-1995წწ., 1896), გაეცნო ქართველი ხალხის ცხოვრებას, დაუახლოვდა იმ დროის გამოჩენილ მოღვაწეებს, მეგობრობდა ი. ჭავჭავაძესთან; საქართველოში მოგზაურობის შემდეგ დაწერა "საქართველოში მოგზაურობის ჩანაწერები", რომელშიც გადმოსცა თავისი შთაბეჭდილებები ჩვენს დედაქალაქზე; აღწერა თბილისის ღირსშესანიშნაობები; გარდაცვალების შემდეგ ჯ. ო. უორდროპმა ოქსფორდში, ბოდლის ბიბლიოთეკაში დააარსა უორდროპის სახელობის ქართული ხელნაწერი და ნაბეჭდი წიგნების ფონდი.

წყარო: თბილისი: ენციკლოპედია.- თბ., 2002. - გვ.862

• მოგზაურობა საქართველოში : ჩანაწერები = Notes of a journey in Georgia (ავტორი). - თბილისი, საქ. მეცნ. ეროვნ. აკად. სტ., 2012. - 102გვ.. - ISBN: 978-9941-0-4288-1