ალექსანდრე ფარჯანაძე

დაბადების ადგილი: ქ. ქუთაისი.

დაამთავრა ქუთაისის პედაგოგიური ინსტიტუტის (ამჟამად აკაკი წერეთლის სახელობის სახელმწიფო პედაგოგიური უნივერსიტეტის) ფიზიკა-მათემატიკის ფაკულტეტი 1947 წელს.

1938 წლიდან სწავლობდა ქუთაისის პედაგოგიური ინსტიტუტის (ამჟამად აკაკი წერეთლის სახელობის სახელმწიფო პედაგოგიური უნივერსიტეტის) ფიზიკა-მათემატიკის ფაკულტეტზე; მესამე კურსიდან, სამამულო ომის დაწყებისთანავე გაიწვიეს საბჭოთა არმიაში; სწავლობდა თელავის ოფიცერთა სკოლაში, რომელიც დაამთავრა ლეიტენანტის სამხედრო წოდებით და შემდეგ გაგზავნეს ყირიმში მოქმედი არმიის 825-ე სამთო მსროლელ, პოლკში; ომის დამთავრებისა და დემობილიზაციისთანავე 1945 წელს სწავლა განაგრძო იმავე უმაღლესი სასწავლებლის ფიზიკა-მათემატიკის ფაკულტეტზე; დაიწყო მუშაობა კოჯრის საშუალო სკოლის მათემატიკის მასწავლებლად; 1953-1955წწ. იყო თბილისის ელექტროტექნიკუმის მათემატიკის მასწავლებელი, შემდეგ თბილისის მე-18 საშუალო სკოლის მათემატიკის მასწავლებელი; 1960 წლიდან მუშაობა დაიწყო საქართველოს განათლების სამინისტროს ი. გოგებაშეილის სახელობის პედაგოგიკურ მეცნიერებათა ინსტიტუტში უმცროს მეცნიერ თანამშრომლად. დაიცვა საკანდიდატო დისერტაცია 1966 წელს; 1975 წელს მიიღო უფროსი მეცნიერი თანამშრომლის სამეცნიერო წოდება;პ 1965 წლიდან მუშაობდა საქართველოს განათლების სამინისტროს ი. გოგებაშვილის სახელობის პედაგოგიკურ მეცნიერებათა ინსტიტუტის ფიზიკა-მათემატიკის სწავლების მეთოდიკის სექტორის გამგედ და ხელმძღვანელობდა საქართველოს პედაგოგიური საზოგადოების მათემატიკის სექციას. მას გამოქვეყნებული აქეს 61 მეცნიერული შრომა, მათ შორის სამი მონოგრაფია. დაჯილდოებულია ორდენებითა და მედლებით.

წყარო: ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 103-104

• 1975 - საქართველოს რესპუბლიკის დამსახურებული მასწავლებელი
  პედაგოგიკური მეცნიერების დარგში მიღწეული წარმატებისთვის
• მედალი "გერმანიაზე გამარჯვებისთვის"
• წითელი ვარსკვლავის ორდენი
• სამამულო ომის II ხარისხის ორდენი
• სამამულო ომის I ხარისხის ორდენი

• გეომეტრიის სწავლების საკითხები (მე-8-9 კლ.) : მასწავლებლების დასახმარებლად (ავტორი). - თბილისი, განათლება, 1989. - 71გვ.
• ფაკულტატიური მეცადინეობა მათემატიკაში : ორგანიზაცია და სწავლების მეთოდები (ავტორი). - თბილისი, თბილ. უნ-ტის გამომცემლობა, 1974. - 52გვ.
• სიმრავლეთა თეორიის ელემენტები და გეომეტრიული გარდაქმნები VIII-IX კლასებში : ფაკულტატიური კურსი (ავტორი). - თბილისი, განათლება, 1973. - 180გვ.
• გეომეტრიული გარდაქმნები : ფაკულტატიური მეცადინეობა (ავტორი) // მეთოდ. სახელმძღვ.მათემატიკაში VIII კლ. მოსწავლეებისათვის. - თბილისი, 1968. - 124გვ.