ჯემალ ქათამაძე

დაბადების ადგილი: სოფელი ჭახათი, ქობულეთის რაიონი.

დაამთავრა სამხედრო საავიაციო-სამეთაურო სასწავლებელი 1954 წელს; საქართველოს სასოფლო-სამეურნეო ინსტიტუტის სამი კურსი (დაუსწრებელი განყოფილება).

მუშაობდა უშიშროების დასასვენებელი სახლის ექსკურსიამძღოლად (1957-1960), დასასვენებელ სახლ "შუქურას" დირექტორის მოადგილედ (1960-1965), დასასვენებელ სახლ "ნიავის" დირექტორის მოადგილედ (1965-1979), საქართველოს მწერალთა კავშირის აჭარის ორგანიზაციაში კონსულტანტად და მხატვრული ლიტერატურის პროპაგანდის ბიუროს რწმუნებულად (1975-1993); ჯ. ქათამაძის პირველი ლექსი დაიბეჭდა ალმანახ "ტალღა"- ში 1954 წელს; ავტორია 15 წიგნისა, ესენია: "ზღვა და სიყვარული" (ლექსები, 1963), "მხოლოდ გული" (ლექსები, 1968), "ორი ქრიზანთემა" (ლექსები, 1970), "ოცნების კონცხი" (ლექსები, 1972), "სოფლის სიამაყე" (ნარკვევი, 1976), "რაც მინატრია" (ლექსები, 1978), "ტირიფი ქარში" (ლექსები, 1980), "მშვიდი ზღვა" (ლექსები, 1982), "რჩეული" (ლექსები, 1983), "წითელი თოვლი" (ლექსები, 1986), "ნდობის კაცი" (დოკუმენტური მოთხრობა, 1988), "ღიმილი და ფიქრები დედისა" (ნარკვევი, 1990), "შემოდგომის მოტივები" (ლექსები, 1991), "მიიწურა შემოდგომა" (ლექსები, 1993), "Обьяния" (ლექსები, 1994, Советский писатель); ჯ. ქათამაძის ლექსები იბეჭდებოდა რუსულ, უკრაინულ, სომხურ, ბულგარულ ენებზე. მიღებული აქვს საქართველოს სსრ დამსახურებული პროპაგანდისტის წოდება, საქართველოს სსრ უმაღლესი საბჭოს პრეზიდიუმის საპატიო სიგელი და მედლები. მისი გარდაცვალების შემდეგ, ბათუმში ერთ-ერთ ქუჩას მიეკუთვნა ჯემალ ქათამაძის სახელი.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.193

• აჭარის უზენაესი საბჭო, დეპუტატი
• აჭარის შინაგან საქმეთა სამინისტროს საზოგადოებრივი ინსტიტუტი, პრორექტორი
• საქართველოს კომპარტიის საქალაქო კომიტეტის პლენუმი, წევრი
• საქართველოს მწერალთა კავშირი, წევრი (1990-)
• საქართველოს უმაღლესი საბჭო, დეპუტატი
• სრულიად საქართველოს რუსთაველის საზოგადოების საქალაქო ორგანიზაცია, თავმჯდომარე
• სსრკ მწერალთა კავშირი, წევრი (1971-)
• უცხოეთში მცხოვრებ თანამემამულეებთან მეგობრობის გამგეობა, წევრი

• ხსოვნა გულისა : რომანი (ავტორი). - ბათუმი, აჭარა, 1996. - 120გვ.
• ღიმილი და ფიქრები დედისა : ნარკვევი მრავალშვილიან დედაზე - ფ. ბეჟანიძეზე (ავტორი). - ბათუმი , საბჭ. აჭარა, 1990. - 43გვ.
• ზურიკოს ღიმილი : ლექსები (ავტორი). - ბათუმი, საბჭ. აჭარა, 1989. - 82გვ.
• მშვიდი ზღვა : ლექსები (ავტორი). - თბილისი, საბჭ. საქართველო, 1982. - 99გვ.
• რაც მინატრია : ლექსები (ავტორი). - ბათუმი, საბჭ. აჭარა, 1978. - 150გვ.
• მიწის სიმღერა : ლექსები (ავტორი). - ბათუმი, საბჭ. აჭარა, 1974. - 129გვ.
• ზღვა და სიყვარული : ლექსები (ავტორი). - თბილისი, საბჭ. საქართველო, 1963. - 37გვ.