თეა ქართველიშვილი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკუტეტი 1997 წელს.

მუშაობდა საისტორიო ჟურნალში "არტანუჯი" (რედკოლეგიის წევრი), რადიოწამყვანად, ისტორიის პედაგოგად; არის კ. კეკელიძის სახელობის საქართველოს ხელნაწერთა ეროვნული ცენტრის წყაროთმცოდნეობისა და დიპლომატიკის განყოფილების თანამშრომელი; მოწვეული ლექტორის სტატუსით ლექციებს კითხულობს საქართველოს უნივერსიტეტში; მისი ხელმძღვანელობით განხორციელდა შოთა რუსთაველის ეროვნული სამეცნიერო ფონდის მიერ დაფინანსებული პროექტები: "ისტორიული საბუთების დედნების დიგიტალიზაცია და მონაცემთა ბაზა"; "დოკუმენტური წყაროები (სამეფო სიგელები, ეპიგრაფიკული ძეგლები, ხელნაწერთა კოლოფონები) XVII საუკუნის I ნახევრის ქართლისა და კახეთის მეფეების შესახებ (წყაროების პუბლიკაცია და გამოკვლევა)" და საერთაშორისო საგაზაფხულო სკოლა "აფხაზეთი: შუა საუკუნეებიდან დღემდე (ისტორიულ-კულტუროლოგიური ასპექტები)"; 2021 და 2022 წწ. მონაწილეობს ოკუპირებული ტერიტორიების ხელნაწერი მემკვიდრეობის შემსწავლელ პროექტებში; მის სამეცნიერო ინტერესების სფეროში შედის გვიანი შუა საუკუნეების დასავლეთ საქართველოში განვითარებული საეკლესიო პროცესების შესწავლა, წყაროების პუბლიკაცია; მონაწილეობა აქვს მიღებული ადგილობრივ თუ საერთაშორისო სამეცნიერო კონფერენციებსა და სიმპოზიუმებში; გამოქვეყნებული აქვს მონოგრაფიები და სტატიები. არის საქართველოს მეცნიერებათა აკადემიის საქართველოს ისტორიის წყაროების კომისიის წევრი.

სადოქტორო დისერტაციის თემა - "გურიის საეპისკოპოსოების როლი ქართულ კულტურაში (XV–XIX)", დაიცვა 2002 წელს.

• დოკუმენტური წყაროები (სიგელები, ეპიგრაფიკული ძეგლები, ხელნაწერთა კოლოფონები) XVII საუკუნის I ნახევრის ქართლისა და კახეთის მეფეების (როსტომი) შესახებ : (წყაროების პუბლიკაცია და გამოკვლევა) = Documentary Sources (Deeds, Epigraphic Inscriptions, Colophons) in the First Half of the 17th century about the Kings of Kartli and Kakheti (Rostom) (research and publication of sources) (თანაავტორი) // ტომი 2. - თბილისი, სამშობლო, 2021. - 592გვ.. - ISBN: 9789941974588
• დოკუმენტური წყაროები (სიგელები, ეპიგრაფიკული ძეგლები, ხელნაწერთა კოლოფონები) XVII საუკუნის I ნახევრის ქართლისა და კახეთის მეფეების (გიორგი X, ლუარსაბ II, ბაგრატ VII, სვიმონ II, თეიმურაზ I) შესახებ : (წყაროების პუბლიკაცია და გამოკვლევა) = Documentary Sources (Deeds, Epigraphik Inscriptions, Colophons) of the First Half of the 17th Century about of the Kings of Kartli and Kakheti (Giorgi X, Luarsab II, Bagrat VII, Svimon II, Teimuraz I) : (research and publication of sources) (თანაავტორი) // ტომი 1. - თბილისი, ნათლისმცემელი, 2019. - 414გვ.. - ISBN: 9789941967788
• თეიმურაზ I, 1589-1663. წამება ქეთევან დედოფლისა : პოემა (წინასიტყ. ავტორი). - თბილისი, ხელნაწერთა ეროვნული ცენტრი, 2017. - 90გვ.. - ISBN: 9789941953941
• გურიის საეპისკოპოსოები : XV-XIX საუკუნეები (ავტორი). - თბილისი, არტანუჯი, 2006. - 163გვ.. - ISBN: 9994011898