სიმონ ქვარიანი

დაბადების ადგილი: ქ. ქუთაისი.

დაამთავრა მონპელიეს უმაღლესი აგრონომიული სასაწავლებელი მევენახეობის სპეციალობით.

1894-1896წწ. მსახურობდა თბილისში ამიერკავკასიის რკინიგზის სამმართველოში; 1901 წლიდან მოღვაწეობდა სალიტერატურო სარბიელზე; ათავსებდა წერილებს ქართულ–რუსულ ჟურნალ–გაზეთებში; 1907-1912წწ. მასწავლებლობდა ქუთაისში; 1918 წელს მენშევიკურმა მთავრობამ მიიწვია ფინანსთა სამინისტროში მდივნად; 1921-1923წწ. მსახურობდა ბათუმში საგარეო ვაჭრობის განყოფილებაში საქმეთა მმართველად და სამხედრო საზღვაო სასწავლებელში ქართულ–ფრანგული ენის ლექტორად; 1923 წელს თბილისში ფინსახკომში სავალიუტო განყოფილების ინსპექტორად, შემდეგ მესამე შემნახველ სალაროს გამგედ; 1925-1930წწ. შინვაჭრობის კომისარიატში, საქართველოს ფინსახკომში, საქართველოს წყალთა სამმართველოში, საქართველოს მიწსახკომში; ავტორია ისტორიული თხზულებებისა: "ქართველი ერის უძველესი კულტურა და როლი მსოფლიო ისტორიაში" (1901), "ხეთი და ნაირი" (1909), "საქართველოს ისტორია" (1917); მას ეკუთვნის ასევე მოთხრობები: "ანჟელინა", "ცაცინა", "შოთა რუსთაველი"; პუბლიცისტური თხზულებები; წერილები ქართული ლიტერატურის და სოფლის მეურნეობის საკითხებზე; რომანი "დიდი მოურავი" (1937, თბილისი). მისი ლექსების კრებული "სუმბული" დაიბეჭდა 1901 წელს.

წყარო: მწერალთა ავტობიოგრაფიები. წ. 1/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.160-165; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.137; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.317

• ამხანაგობა "ზღვარი", დამაარსებელი (1900-)
• კოოპერატიული გამგეობა "შრომა", თავმჯდომარე (1916-)
• საქართველოს საბჭოთა მწერლების კავშირი, წევრი (1938-)
• ქართველ მწერალთა კავშირი, წევრი
• ქუთაისის ქალაქის გამგეობა, წევრი (1913-)

• 1930 - სოციალისტური შრომის გმირი

• საქართველოს ისტორია : ყმაწვილთათვის (ავტორი). - თბილისი, ევრიკა, (წიგნ. ფაბრიკა), 1992. - 105გვ.
• დიდი მოურავი : რომანი (ავტორი). - თბილისი, მერანი, 1989. - 351გვ.
• ანჟელინა : მოთხრობა (ავტორი). - ქუთაისი, ღამბაშიძის სტ., 1900. - 68გვ.