ანზორ შავგულიძე

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის სამთო ფაკულტეტი სამთო ინჟინრის კვალიფიკაციით 1954 წელს.

1955 წელს სამეცნიერო-პედაგოგიური მოღვაწეობისათვის მიიწვიეს საქართველოს პოლიტექნიკური ინსტიტუტის მხაზველობითი გეომეტრიის კათედრაზე. ამ პერიოდიდან მოყოლებული, იგი სიცოცხლის ბოლომდე მხაზველობითი გეომეტრიისა და საინჟინრო გრაფიკის სწავლებისა და განვითარების საქმეს ემსახურებოდა; 1967 წელს გამომცემლობა "განათლებამ" გამოსცა მისი პირველი ორიგინალური სახელმძღვანელო "ტექნიკური ხაზვა"; 1970 წელს დაიცვა საკანდიდატო დისერტაცია და მას დოცენტის სამეცნიერო წოდება მიენიჭა; იგი იყო პირველი ქართველი პედაგოგი, რომელიც სტუდენტებისა და საშუალო სკოლის მოსწავლეებისათვის ტელეგაკვეთილებს ატარებდა ხაზვაში; 1978 წელს იგი აირჩიეს მხაზველობითი გეომეტრიისა და საინჟინრო გრაფიკის კათედრის გამგედ. ავტორია 160-ზე მეტი სამეცნიერო ნაშრომისა, რომელთა შორის მრავალი მონოგრაფია და სახელმძღვანელოა. უდიდესი ღვაწლი დასდო ტექნიკურ უნივერსიტეტში საგამომცემლო საქმის ტრადიციების გაღრმავებასა და განვითარებას. გამოჩენილი ინჟინერი, ტექნიკურ მეცნიერებათა დოქტორი (2002), პროფესორი (1977).

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.150-151; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.298

• საქართველოს პედაგოგიკურ მეცნიერებათა აკადემია, ნამდვილი წევრი (1997-)
• საქართველოს საინჟინრო აკადემია, საპატიო წევრი

• 2002 - ღირსების ორდენი
• 2002 - გიორგი ნიკოლაძის სახელობის მედალი
• 1995 - ღირსების მედალი
• 1981 - საქართველოს უმაღლესი სკოლის დამსახურებული მუშაკი
• 1975 - საქართველოს დამსახურებული მასწავლებელი

• საინჟინრო გრაფიკის სპეციალური კურსი : სახელმძღვანელო (თანაავტორი). - თბილისი, ტექნ. უნ-ტი, 2017. - 126გვ. . - ISBN: 9789941209031
• ხაზვის ზოგადი კურსი : სახელმძღვ. საშ. სკოლის მე-9 კლასისათვის (ავტორი). - თბილისი, განათლება, 2002. - 160გვ.. - ISBN: 9992891734
• ტექნიკური ხაზვის ზოგადი კურსი (თანაავტორი). - თბილისი, განათლება, 1999. - 88გვ.
• საინჟინრო გრაფიკა : ტესტები (ხაზვის კურსის ამოცანათა კრებული) (ავტორი). - თბილისი, განათლება, 1997. - 128გვ.. - ISBN: 5505018998
• ტექნიკური ხაზვა : სახელმძღვ. პოლიტექნ. ინ-ტის დაუსწრ. სწავლების სტუდენტებისათვის (ავტორი). - თბილისი, განათლება, 1967. - 248გვ.