გიორგი შალამბერიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-ჰიდროტექნიკოსის სპეციალობით 1952 წელს.

1952-1978წწ. მუშაობდა საპროექტო ინსტიტუტ "საქსახწყალპროექტში" ინჟინრად, უფროს ინჟინრად, ჯგუფის ხელმძღვანელად, განყოფილების უფროსად, მთავარი ინჟინრის მოადგილედ, ხელმძღვანელობდა ტრესტ "ორგმშენს"; 1979 წლიდან - სამშენებლო ტრესტ "საქჰიდროენერგომშენის" გენერალური დირექტორის პირველი მოადგილე, ტრესტის მთავარი ინჟინერი; 1995-1997წწ. - სს "ჰიდროენერგომშენის" ვიცე-პრეზიდენტი და პრეზიდენტი; 1997-2008წწ. - სს "საქჰიდროენერგომშენის" გენერალური დირექტორი; მონაწილეობდა არაერთი ურთულესი ჰიდროტექნიკური ნაგებობის დაპროექტებაში, ხელმძღვანელობდა მრავალი ჰიდროტექნიკური ნაგებობისა და უნიკალური ენერგეტიკული კომპლექსების მშენებლობას; მიღებული აქვს სახელმწიფო ჯილდოები და სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.605; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.363

• საქართველოს საპატიო ენერგეტიკოსი