თინა შიოშვილი

დაბაადების ადგილი: სოფელი კაჭრეთი, გურჯაანის რაიონი.

1972 წელს დაამთავრა თბილისის ივანე ჯავახიშვილის სახელობის სახელმწიფო უნივერსიტეტი, ქართული ენისა და ლიტერატურის მასწავლებლის სპეციალობით.

სხვადასხვა დროს მუშაობდა: თბილისის სახელმწიფო უნივერსიტეტის ფოლკლორისტიკის კათედრის ლაბორანტი (1970-1980); ბათუმის შოთა რუსთაველის სახელმწიფო უნივერსიტეტის პედაგოგიკა-ფსიქოლოგიის კათედრის მასწავლებელი (1981-1988); ამავე უნივერსიტეტის ქართული ლიტერატურის კათედრის მასწავლებელი (1994-1996წწ); ქართული ლიტერატურის კათედრის დოცენტი (1996-2004); ქართული ლიტერატურის კათედრის პროფესორი (2004-2006); ჰუმანიტარულ მეცნიერებათა ფაკულტეტის სრული პროფესორი (2007-2009); ნიკო ბერძენიშვილის სამეცნიერო-კვლევითი ინსტიტუტის ფოლკლორისა და ლინგვისტიკის განყოფილების უფროსი მეცნიერ-თანამშრომელი (1985-2009); შოთა რუსთაველის სახელმწიფო უნივერსიტეტის სამხრეთ-დასავლეთ საქართველოს სამეცნიერო-კვლევითი ცენტრის ფოლკლორისა და დიალექტოლოგიის განყოფილების ფოლკლორის სექტორის ხელმძღვანელი (2000-2009) ; ამავე უნივერსიტეტის ქართველოლოგიის ინსტიტუტის ფოლკლორისა და დიალექტოლოგიის განყოფილების  ფოლკორის სექტორის ხელმძღვანელი (2010-2013); 2009 წლიდან -  შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის სრული პროფესორია; 2014 წლიდან კი ბათუმის შოთა რუსთაველის სახელმწიფო  უნივერსიტეტის ჰუმანიტარულ მეცნიერებათა ფაკულტეტის ქართველოლოგიის ცენტრის ფოლკლორისა და დიალექტოლოგიის განყოფილების ხელმძღვანელი. სამეცნიერო შრომების ავტორი. სამეცნიერო ინტერესების სფერო: ფოლკლორისტიკა, ლიტერატურათმცოდნეობა, ქართული ლიტერატურის ისტორია; ეწევა ნაყოფიერ მთარგმნელობით საქმიანობას. თარგმნილი აქვს აგათა კრისტის "ბრალდების მოწმე" (1984), "პრემიერ-მინისტრის მოტაცება" (1997), ვლადიმერ ვისოცკის "ლექსები" (2006), "ოთხი შეხვედრა" (შეასრულა შოთა ზოიძესთან ერთად, 1991), "ბიბლიური ისტორია ყრმათათვის" (შეასრულა ნარგიზ აბაშიძესთან ერთად, 1992), ლიონ ფოიხტვანგერის "მოსკოვი-1937" (თანამთარგმნელი ალექსანდრე ჩხარტიშვილი, 1995), ხასან ჰელიმიშის "ლექსები" (თანამთარგმნელები: ზ. თანდილავა, ც. ნარაკიძე, ლ. კონცელიძე, ც. ანთაძე, ნ. ინგოროყვა, ნ. ჯაფარიძე, ვ. ღლონტი, თ. თედორაძე, ს. ბერიძე). საკანდიდატო დისერტაციის თემა - "თედო სახოკიას ფოლკლორისტული მოღვაწეობა", დაიცვა 1980 წელს; სადოქტორო დისერტაციის თემა - "ზნეობრივი პრობლემატიკა ქართულ ფოლკლორში", დაიცვა 2003 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.500; ბათუმის შოთა რუსთაველის სახელმწიფო უნივერსიტეტი: bsu.edu.ge; საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.88

• თედო სახოკიას სახელობის პრემია
• მემედ აბაშიძის სახელობის პრემია

• კლარჯული ფოლკლორი (ავტორი). - თბილისი, შპს "სეზანი", 2017. - 648გვ.. - ISBN: 9789941094859
• შავშური ფოლკლორი : მონოგრაფია (ავტორი). - ბათუმი, გამომცემლობა აჭარა, 2016. - 544გვ. . - ISBN: 9789941460234
• თამარ მეფე ქართულ ფოლკლორში (ავტორი). - თბილისი, ლამპარი-99, 2014. - 232გვ. . - ISBN: 9789941039980
• სტუმარმასპინძლობა ქართულ ფოლკლორში : მონოგრაფია (ავტორი). - თბილისი, ლამპარი-99, 2014. - 289გვ. . - ISBN: 9789941047657
• იესო ქრისტე ქართულ ფოლკლორში : მონოგრაფია (ავტორი). - თბილისი, ლამპარი-99, 2012. - 287გვ.. - ISBN: 9789941043260
• ილია ჭავჭავაძე და ქართული ხალხური სიმღერა (ავტორი). - ბათუმი, შოთა რუსთაველის სახელმწ. უნ-ტის გამ-ბა , 2007. - 48გვ. . - ISBN: 9994025228
• თედო სახოკიას ფოლკლორისტული მოღვაწეობა (ავტორი). - ბათუმი, საბჭ. აჭარა, 1987. - 144გვ.