არნოლდ ჩიქობავა

დაბადების ადგილი: სოფელი საჩიქობავო, სენაკის მუნიციპალიტეტი.

დაამთავრა თბილისის სახელმწიფო უნივერსიტეტი 1922 წელს.

1926-1933წწ. იყო თბილისის სახელმწიფო უნივერსიტეტის დოცენტი, შემდეგ კი, სიცოცხლის ბოლომდე, ამავე უნივერსიტეტის პროფესორი. 1933-1960წწ. განაგებდა თბილისის სახელმწიფო უნივერსიტეტის კავკასიოლოგიის კათედრას. 1936-1985წწ. თბილისის ენათმეცნიერების ინსტიტუტის იბერიულ-კავკასიური ენების განყოფილების გამგეა, 1950-1952წწ. კი ამავე ინსტიტუტის დირექტორი. მისი მეცნიერული კვლევის ძირითადი თემები იყო: იბერიულ-კავკასიური ენები, ენათმეცნიერების თეორიული პრობლემები, რუსთველოლოგია, ქართული და კავკასიური ენების გრამატიკა, ქართული ენისა და ლიტერატურის ისტორია, ბასკურ-კავკასიური ჰიპოთეზა, ლექსიკოგრაფია, და ა.შ. არის 300-მდე სამეცნიერო-კვლევითი ნაშრომის, მათ შორის 14 მონოგრაფიის ავტორი, საერთაშორისო სამეცნიერო ჟურნალის "იბერიულ-კავკასიური ენათმეცნიერების წელიწდეული" (ამჟამად "იბერიულ-კავკასიური ენათმეცნიერება") დამფუძნებელი და უცვლელი მთავარი რედაქტორი. მიღებული აქვს მოსკოვის სახელმწიფო უნივერსიტეტის ლომონოსოვის სახელობის პრემია (1951). 

წყარო: ქართული საბჭოთა ენციკლოპედია: ტ.11.-თბ.,1987.-გვ.141

• ბერლინის უნივერსიტეტი, საპატიო დოქტორი (1960-)
• დიდი ბრიტანეთის სამეფო ფილოლოგიური საზოგადოება, საპატიო წევრი (1968-)
• საქართველოს მეცნიერებათა აკადემია, აკადემიკოსი (1941-)

• 1971 - საქართველოს სახელმწიფო პრემია
• 1951 - მოსკოვის სახელმწიფო უნივერსიტეტის ლომონოსოვის სახელობის პრემია

• იბერიულ-კავკასიურ ენათა შესწავლის ისტორია (ავტორი). - თბილისი, უნივერსალი, 2008. - 422გვ.. - ISBN: 978-9941-12-305-4
• ენათმეცნიერების შესავალი (ავტორი). - თბილისი, თბილ. უნ-ტის გამ-ბა, 2008. - 338გვ.
• რა თავისებურებანი ახასიათებს ქართული ენის აგებულებას? (ავტორი). - თბილისი, სკოლა, 1998. - 124გვ.
• პირველი ქართული ნაბეჭდი გამოცემები (ავტორი). - თბილისი, ხელოვნება, 1983. - 623გვ.
• ზოგადი ენათმეცნიერება (ავტორი) // ნაწ. 1. - თბილისი, სახელგამი, 1946. - 266გვ.
• ჭანურ-მეგრულ-ქართული შედარებითი ლექსიკონი (ავტორი). - თბილისი, სსრკ მეცნ. აკად. საქ. ფილიალის გამ-ბა, 1938. - 508გვ.