შალვა ჩიჩუა

დაბადების ადგილი: ქ. ცაგერი.

დაამთავრა ბათუმის კომუნალური ტექნიკუმი ტექნიკოს-ელექტრიკოსის კვალიფიკაციით 1934 წელს.

მუშაობდა ბათუმის ნავთობგადამამუშავებელ N429-ე ქარხანაში თბოსადგურის მორიგე ტექნიკოსად, მორიგე ინჟინრად, უფროს ტექნიკოსად; 1941 წლიდან - N6 საამქროს მთავარი ინჟინერი, უფროსი; 1945 წლიდან - მთავარი ენერგეტიკის განყოფილების უფროსი ინჟინერი; 1949 წლიდან - ქარხნის მთავარი ენერგეტიკოსი; 1950 წლიდან - "საქენერგოგასაღების" მთავარი ინსპექტორი; 1952 წლიდან - "საქენერგოს" ბათუმის ენერგოგასაღების ენერგოზედამხედველობის სამსახურის უფროსი; 1960 წლიდან - თბილისი, "საქმთავარენერგოს" ენერგოზედამხედველობის ინსპექციის ინჟინერი; 1965 წლიდან - ამავე სამსახურის უფროსი; 1971-1979წწ. - "საქმთავარენერგოს" ენერგოგასაღების დირექტორი; 1979-1982წწ. - "საქმთავარენერგოს" სოფლისა და კომუნალური ქსელების სამსახურის უფროსი; 1982 წლიდან - იმავე სამსახურის სექტორის უფროსი, გამანაწილებელი ქსელების ექსპლუატაციისა და რემონტის სექტორის ინჟინერი. მიღებული აქვს მთავრობის ჯილდოები და მადლობები, 1966 და 1976 წლებში დაჯილდოვდა "საბჭოთა კავშირის ენერგეტიკისა და ელექტროფიკაციის წარჩინებულის" დიპლომებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.384-385

• შრომის ვეტერანის მედალი
• მედალი "სამამულო ომის დროს თავდადებული შრომისთვის"
• მედალი "დიდ სამამულო ომში გამარჯვების 40 წლისთავთან დაკავშირებით"