დემურ ჩომახიძე

დაბადების ადგილი: სოფელი გოჩა-ჯიხაიში, ხონის რაიონი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1964 წელს.

1964-1969წწ. მუშაობდა ტრესტ "ჭიათურმანგანუმის" სისტემაში; 1969-1996წწ. - სახალხო მეურნეობის ეკონომიკისა და დაგეგმვის სამეცნიერო-კვლევით ინსტიტუტში, პარალელურად სწავლობდა ამავე ინსტიტუტის ასპირანტურაში; 1996-2004წწ. - საქართველოს ენერგეტიკის მარეგულირებელი ეროვნული კომისიის წევრი; 2004 წლიდან - დირექტორი; 2005-2007წწ. - მეცნიერ-კონსულტანტი; 2007 წლიდან - სემეკის თავმჯდომარის მრჩეველი. მონაწილეობდა საერთაშორისო სამეცნიერო კონფერენციებში, სიმპოზიუმებში და საგრანტო პროექტებში. წლების განმავლობაში სამეცნიერო-პედაგოგიურ საქმიანობას ეწეოდა თბილისის სახელმწიფო უნივერსიტეტში, სქართველოს ტექნიკურ უნივერსიტეტში, აკაკი წერეთლის სახელმწიფო უნივერსიტეტში. მისი ხელმძღვანელობით დაცულია სამაგისტრო და სადოქტორო დისერტაციები. მისი კვლევის ძირითადი სფეროა ენერგეტიკის ეკონომიკა და მენეჯმენტი. გამოქვეყნებული აქვს 200-ზე მეტი სამეცნიერო ნაშრომი, მათ შორის, 22 წიგნი და მონოგრაფია მრეწველობისა და ენერგეტიკის ეკონომიკის, აგრეთვე რეგულირების პრობლემებზე. არის ამ საკითხებზე მრავალრიცხოვანი სტატიების ავტორი, რომლებიც დაბეჭდილია საქართველოს, ასევე საზღვარგარეთის სამეცნიერო ჟურნალებში და სხვადასხვა პერიოდულ გამოცემებში. იყო რამდენიმე რესპუბლიკური და საერთაშორისო ჟურნალის რედკოლეგიის წევრი. ეკონომიკის მეცნიერებათა კანდიდატი (1972), ეკონომიკის მეცნიერებათა დოქტორი (1991), პროფესორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.388; დემურ ჩომახიძე : ხსოვნა / საქართველოს საინჟინრო აკადემია // საქართველოს რესპუბლიკა.-თბილისი, 2023.-26 აპრილი.-N46 (9578).-გვ.11

• საერთაშორისო საინჟინრო აკადემია, აკადემიკოსი
• საქართველოს ეკონომიკურ მეცნიერებათა აკადემია, აკადემიკოსი
• საქართველოს ეროვნული ენერგეტიკის აკადემია, წევრი
• საქართველოს საინჟინრო აკადემია, აკადემიკოსი

• ღირსების ორდენი

• ეკონომიკა და მენეჯმენტი ენერგეტიკაში : მონოგრაფია (ავტორი). - ქუთაისი, აკაკი წერეთლის სახელმწ. უნივერსიტეტის გამომცემლობა, 2022. - 444გვ. . - ISBN: 9789941495731
• საქართველოს განახლებადი ენერგეტიკული რესურსები (თანაავტორი). - თბილისი, 2017. - 72გვ. . - ISBN: 9789941952876
• ენერგეტიკის მდგრადი განვითარების რეგულირების პრინციპი : მონოგრაფია (ავტორი). - თბილისი, ტექნ. უნ-ტი, 2012. - 267გვ. . - ISBN: 9789941201011
• ენერგეტიკა და საზოგადოება : უმაღლ. სასწ. სტუდ. (თანაავტორი). - ქუთაისი, შპს "მბმ-პოლიგრაფი", 2012. - 192გვ. . - ISBN: 9789941429217
• შესავალი ენერგომენეჯმენტში : სახელმძღვ. (რედაქტორი). - თბილისი, 2011. - 184გვ. . - ISBN: 9789941014765
• საქართველოს ენერგეტიკული ბალანსი (ავტორი). - თბილისი, ტექნ. უნ-ტი, 2007. - 354გვ.. - ISBN: 9994057553
• საქართველოს ენერგეტიკული უსაფრთხოებასაქართველოს ენერგეტიკული უსაფრთხოება : სოციალურ-ეკონომიკური ასპექტები (ავტორი). - თბილისი, 2003. - 546გვ.. - ISBN: 9992805951
• საქართველოს ენერგეტიკული პოტენციალის გამოყენების ეკონომიკურ-ეკოლოგიური პრობლემები (ავტორი). - თბილისი, თერგი, 2002. - 276გვ.
• ეკონომიკური ლექსიკონი ენერგეტიკაში (შემდგენელი). - თბილისი, 2002. - 111გვ.