გოდერძი ჩოხელი

დაბადების ადგილი: სოფელი ჩოხი, დუშეთის მუნიციპალიტეტი.

დაამთავრა თბილისის სახელმწიფო თეატრალური ინსტიტუტი კინოსარეჟისორო ფაკულტეტი 1979 წელს.

1972 წელს ჩააბარა შოთა რუსთაველის სახელობის თეატრალურ ინსტიტუტში, კინომცოდნეობის ფაკულტეტზე, 1974 წლიდან გადავიდა კინოსარეჟისორო ფაკულტეტზე. 1977 წლიდან მისი მოთხრობები იბეჭდება ჟურნალ-გაზეთებში; 1979 წლიდან იწყებს მუშაობას კინოსტუდია "ქართულ ფილმში" დამდგმელ რეჟისორად; 1980 წელს გამოიცა პირველი წიგნი "წერილი ნაძვებს" (1980); წიგნს წლის საუკეთესო პირველი წიგნის პრემია მიენიჭა; 1981 წლიდან წიგნი რუსულ ენაზე ითარგმნა. გამოცემული აქვს ლექსებისა და მოთხრობების კრებულები: "ბინდისფერი ხეობა" (1981), "თევზის წერილები" (1989), "შემინახე, დედაო მიწავ!" (1991), "სულეთის კიდობანი", "არჩევნები სასაფლაოზე"; ლექსების კრებული "ბედი მდევარი", მოთხრობების კრებული იტალიურ ენაზე "შავი არაგვი", რომელიც ითარგმნა სხვა ენებზეც. რომანები: "მგელი" (1988), "მღდვლის ცოდვა" (1990), "ადამიანთა სევდა" (1984), "სულეთის კიდობანი". გოდერძი ჩოხელს გადაღებული აქვს თექვსმეტი მოკლე და სრულმეტრაჟიანი ფილმი. კინორეჟისორი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.359

• საქართველოს კინემატოგრაფისტთა კავშირი, წევრი (1980-2007)
• საქართველოს მწერალთა კავშირი, წევრი (1981-2007)

• 1998 - ანაპის ფესტივალი "კინოშოკი", საუკეთესო სცენარი (პრიზი)
  ფილმისათვის "ლუკას სახარება"
• 1997 - ანაპის ფესტივალი "კინოშოკი" (გრან–პრი)
  ფილმისათვის "სამოთხის გვრიტები"
• 1992 - თბილისის "ოქროს არწივი" ფესტივალი, პრიზი
  საუკეთესო სცენარისათვის და საუკეთესო რეჟისურისათვის
• 1991 - იაპონიის კინოფესტივალის ჟიურის სპეციალური პრიზი
• 1991 - საქართველოს სახელმწიფო პრემია
  ფილმისათვის "ცოდვის შვილები"
• 1991 - "ვერცხლის ნიმფა" და საერთაშორისო კათოლიკური ეკლესიის პრიზი მონტე–კარლოს კინოფესტივალზე
  ფილმისათვის "ცოდვის შვილები"
• 1982 - ობერჰაუზენის საერთაშორისო კინოფესტივალი, გრან–პრი
  ფილმისათვის "აღდგომა"

• ბინდისფერი ხეობიდან ცამდე : რჩეული (ავტორი). - თბილისი, 2013. - 660გვ.. - ISBN: 978-9941-0-5805-9
• მოთხრობები (ავტორი). - თბილისი, მარსი, 2003. - 118გვ.
• ღმერთის შვილები (ავტორი). - თბილისი, სანი, 2002. - 75გვ.
• ადამიანთა სევდა (ავტორი). - თბილისი, სანი, 2002. - 143გვ.
• თევზის წერილები (ავტორი). - თბილისი, პირველი სტამბა, 2001. - 580გვ.
• ბალახის ცხოვრება (ავტორი). - თბილისი, მერანი, 1997. - 72გვ.
• მღვდლის ცოდვა ; წითელი მგელი (ავტორი). - თბილისი, მერანი, 1990. - 480გვ.
• მგელი (ავტორი). - თბილისი, მერანი, 1988. - 239გვ.
• ბინდისფერი ხეობა (ავტორი). - თბილისი, ნაკადული, 1982. - 183გვ.