მარიამ ჩხარტიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1977 წელს.

1981-1985წწ. - ივანე ჯავახიშვილის ისტორიისა და ეთნოლოგიის ინსტიტუტის მეცნიერ-თანამშრომელი; 1985-1997წწ. - ამავე ინსტიტუტის უფროსი მეცნიერ-თანამშრომელი; 1990-2006წწ. - საქართველოს ტექნიკური უნივერსიტეტის, რადიოსა და ტელევიზიის სახელმწიფო ინსტიტუტის, საერო ინსტიტუტ "გაენათის“, ღია ჰუმანიტარული უნივერსიტეტის, არისტოტელეს სახელობის ბერძნულ-ქართული უნივერსიტეტის, ეკონომიკურ-ჰუმანიტარული უნივერსიტეტის მიწვეული ლექტორი; 1997-2006წწ. - ივანე ჯავახიშვილის ისტორიისა და ეთნოლოგიის ინსტიტუტის წამყვანი მეცნიერ- თანამშრომელი; 2006 წლიდან - ივანე ჯავახიშვილის ისტორიისა და ეთნოლოგიის ინსტიტუტის საქართველოს შუა საუკუნეების ისტორიისა და წყაროთმცოდნეობის განყოფილების გამგე; 2006 წლიდან - ამავე ინსტიტუტის მთავარი მეცნიერ-თანამშრომელი; 2006-2014წწ. - თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის საქართველოს ისტორიის ინსტიტუტის ხელმძღვანელი; 2006 წლიდან - თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის საქართველოს ისტორიის ინსტიტუტის პროფესორი. მონაწილეობა მიიღო რესპუბლიკურ და საერთაშორისო კონფერენციებში, სამეცნიერო და სამეცნიერო-პოპულარული ნაშრომების პუბლიკაციაში. სამეცნიერო ნაშრომების ავტორი, ისტორიის მეცნიერებათა დოქტორი (1997), პროფესორი.

საკანდიდატო დისერტაციის თემა - "აღმოსავლეთ საქართველოს ქრისტიანიზაციის წყაროთმცოდნეობითი შესწავლის პრობლემები", დაიცვა 1983 წელს; სადოქტორო დისერტაციის თემა – "ქართული ჰაგიოგრაფიის წყაროთმცოდნეობითი ანალიზი IV-VII სს. ისტორიის ამსახველი ძეგლები", დაიცვა 1997 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.438; თბილისის სახელმწიფო უნივერსიტეტი: old.tsu.ge

• არასამთავრობო ორგანიზაცია "ქართველოლოგიური კვლევების ინსტიტუტი“, დამფუძნებელი და გამგეობის წევრი (2012-)
• საერთაშოორისო ასოციაცია Mediterranean Center of Social and Eductional Research (MCSER), წევრი (2012-2013)

• ისტორიულ - ეთნოგრაფიული შტუდიები (რედაქტორი). - თბილისი, 2000. - 120გვ
• მარტვილობა და მოთმინება წმიდისა ევსტატი მცხეთელისა; ცხოვრება და მოქალაქეობა წმიდისა სერაპიონ ზარზმელისა : წყაროთმცოდნეობითი გამოკვლევა (ავტორი). - თბილისი, მეცნიერება, 1994. - 167გვ.
• ისტორიული პორტრეტები (ავტორი). - თბილისი, მეცნიერება, 1992. - 120გვ..
• Обращение Грузии (რედაქტორი). - Тбилиси, Мецниереба, 1989. - 78с.
• ქართული ჰაგიოგრაფიის წყაროთმცოდნეობითი შესწავლის პრობლემები : ცხოვრებაი წმინდისა ნინოსი (ავტორი). - თბილისი, მეცნიერება, 1987. - 120გვ.