ქველი ჩხატარაიშვილი

დაბადების ადგილი: სოფელი შემოქმედი, ოზურგეთის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1952 წელს; საქართველოს სსრ მეცნიერებათა აკადემიის ასპირანტურა, სპეციალობით საქართველოს ისტორია 1957 წელს.

1952-1970წწ. მუშაობდა ისტორიის და გეოგრაფიის მასწავლებლად თბილისის საჯარო სკოლებში; 1962 წელს მუშაობას იწყებს საქართველოს სსრ მეცნიერებათა აკადემიის ივ. ჯავახიშვილის სახელობის ისტორიის, არქეოლოგიის და ეთნოგრაფიის ინსტიტუტში უმცროსი მეცნიერ-თანამშრომლის თანამდებობაზე; 1968-1986წწ. ისტორიის ინსტიტუტის უფროსი მეცნიერ-თანამშრომელია; 1978 წელს მიენიჭა ინსტიტუტის უფროსი მეცნიერ თანამშრომლის სამეცნიერო წოდება; 1986 წლიდან ისტორიის ინსტიტუტის წამყვანი მეცნიერ-თანამშრომელია; 1989 წლის 1 ივნისიდან გარდაცვალებამდე ივანე ჯავახიშვილის სახელობის ისტორიის, არქეოლოგიის და ეთნოგრაფიის ინსტიტუტის შუა საუკუნეების საქართველოს ისტორიის განყოფილების გამგე, პროფესორი; არის ასზე მეტი სამეცნიერო ნაშრომის ავტორი, მათ შორის, ათამდე მონოგრაფიაა. ისტორიის მეცნიერებათა დოქტორი, პროფესორი.

საკანდიდატო დისერტაციის თემა - "გურიის სამთავრო (პოლიტიკური და სოციალურ-ეკონომიკური ისტორიის ნარკვევი)", დაიცვა 1964 წელს; სადოქტორო დისერტაციის თემა - "ფეოდალური საქართველოს სამხედრო ორგანიზაციის სოციალური არსი", დაიცვა 1987 წელს.

• 1976 - ივანე ჯავახიშვილის სახელობის მედალი

• ტერმინები "გურია", "გურული", "გურიელი" (ავტორი) // კრებული "საქართველოსა და ქართველების აღმნიშვნელი უცხოური და ქართული ტერმინოლოგია". - თბილისი, 1993
• გურიის თავადთა და აზნაურთა ოჯახები : ფოტოტიპიური გამოცემის შესავალი და რედაქტირება ეკუთვნით ქველი ჩხატარაიშვილსა და ზურაბ ჭუმბურიძეს (რედაქტორი). - თბილისი, მეცნიერება, 1993. - 152გვ.
• თავისუფალნი ფეოდალურ საქართველოში : ისტორიოგრაფიული ნარკვევი (ავტორი). - თბილისი, მეცნიერება, 1991. - 144გვ.
• გურიის სამთავროს შეერთება რუსეთთან (ავტორი). - თბილისი, მეცნიერება, 1985. - 118გვ.
• ნარკვევები სამხედრო საქმის ისტორიიდან ფეოდალურ საქართველოში : ლაშქარ-ნადირობა და მისი სოციალური არსი (ავტორი). - თბილისი, მეცნიერება, 1979. - 221გვ.
• დიდგორის ბრძოლა : დიდგორის ბრძოლის ისტორიული მნიშვნელობა (თანაავტორი). - თბილისი, მეცნიერება, 1973. - 108გვ.