ზურაბ ცხოვრებაძე (დეკანოზი)

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1988 წელს, თბილისის სასულიერო აკადემია 1997 წელს.

1990-1997წწ. იყო საქართველოს მეცნიერებათა აკადემიის დემოგრაფიისა და სოციოლოგიის ინსტიტუტის უმცროსი და უფროსი მეცნიერ-თანამშრომელი; 1996-1997წწ. საპატრიარქოს საგარეო განყოფილების თანამშრომელი; 1997-1999წწ. კათოლიკოს-პატრიარქის კანცელარიის უფროსი; 1999 წლიდან საპატრიარქოს რადიოს დირექტორი; თბილისის სასულიერო აკადემიისა და სემინარიის ლექტორი; საპატრიარქოს საღვთისმეტყველო კომისიის წევრი; საპატრიარქოს რადიოს თანამშრომელი. არის მრავალი სამეცნიერო სტატიის ავტორი დემოგრაფიის საკითხებზე. გამოქვეყნებული აქვს რელიგიური თემატიკის სტატიები და ინტერვიუები საერო და საეკლესიო პერიოდიკაში. დაჯილდოებულია ჟურნალისტთა საერთაშორისო ფედერაციის პრიზით "ოქროს ფრთა" (2005). გაზეთის - "საპატრიარქოს უწყებანი" რედაქტორი, საპატრიარქოს პრსეცენტრის უფროსის მოადგილე. საკანდიდატო დისერტაციის თემა - "რეპროდუქციული ორიენტაციების ფორმირების თავისებურებანი თბილისის მაგალითზე".

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.547