ემილ წერეთელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეომორფოლოგიის სპეციალობით 1955 წელს.

1955 წელს იყო სსრკ გეოლოგიის სამინისტროს მე-4 სამმართველოს მე-7 რაიონის ექსპედიციის გეოლოგი; 1956-1958წწ. სსრკ გეოლოგიის სამინისტროს მე-4 სამმართველოს მე-7 რაიონის ექსპედიციის ინჟინერ-გეოლოგი; 1958-1960წწ. სსრკ გეოლოგიის სამინისტროს მე-4 სამმართველოს მე-6 რაიონის ექსპედიციის გეოლოგიური რაზმის უფროსი; 1960-1963წწ.. თბილისის სახელმწიფო უნივრსიტეტის ასპირანტი; 1964-1968წწ. საქართველოს მინისტრთა საბჭოსთან არსებული გეოლოგიური სამმართველოს საინჟინრო-გეოლოგიური პარტიის უფროსი; 1969-1971წწ. საქართველოს მინისტრთა საბჭოსთან არსებული კომპლექსური ჰოდროგეოლოგიური და საინჟინრო-გეოლოგიური სადგურის მთავარი გეოლოგი; 1972-1978წწ. საქართველოს მინისტრთა საბჭოსთან არსებული გეოლოგიური სამმართველოს ჰიდროგეოლოგიური და საინჟინრო-გეოლოგიური განყოფილების უფროსი; 1978-1991წწ. საქართველოს მინისტრთა საბჭოსთან არსებული გეოლოგიური სამმართველოს ჰიდროგეოლოგიური და საინჟინრო-გეოლოგიური ექსპედიციის უფროსის მოადგილე; 1992-1997წწ. საქართველოს გეოლოგიის დეპარტამენტის სამეცნიერო-საწარმოო სამმართველოს "საქინჟგეოდაცვის" უფროსი; 1998-2005წწ. საქართველოს გეოლოგიური დეპარტამენტის ბუნების სტიქიური პროცესებისა და საინჟინრო-გეოლოგიური კვლევების ცენტრის გენერალური დირექტორი; 2006-2008წწ. საქართველოს გარემოს დაცვისა და ბუნებრივი რესურსების სამინისტროს მონიტორინგისა და პროგნოზირების ცენტრის ბუნების სტიქიური პროცესების, საინჟინრო-გეოლოგიური და გეოეკოლოგიური კვლევების სამმართველოს უფროსი; 2008-2011წწ. საქართველოს გარემოს დაცვისა და ბუნებრივი რესურსების  სამინისტროს სსიპ გარემოს ეროვნული სააგენტოს გეოლოგიური საშიშროების და გეოლოგიური გარემოს მართვის დეპარტამენტის უფროსი; 1992 წლიდან ვახუშტი ბაგრატიონის გეოგრაფიის ინსტიტუტი, გეომორფოლოგია-გეოეკოლოგიის განყოფილება, მთავარი მეცნიერი; 2011 წლიდან საქართველოს გარემოს დაცვის სამინისტროს სსიპ გარემოს ეროვნული სააგენტოს გეოლოგიური საშიშროებების მართვის დეპარტამენტის უფროსი. 1966 წლიდან კითხულობს ლექციების კურს თბილისის სახელმწიფო უნივერსიტეტში საინჟინრო-გეოლოგიაში, მეოთხეული პერიოდის გეოლოგიაში, ბუნების კატასტროფული მოვლენებისა და  გეოეკოლოგიის საფუძვლებში. 1962-2008წწ. გამოქვეყნებული აქვს 300-მდე სამეცნიერო სტატია, ცალკეული პუბლიკაცია და მონოგრაფია რუსეთში, უზბეკეთში, თურქეთში, ჩინეთში, შვედეთში, ინგლისში, იტალიაში, აშშ და კანადაში და მათ შორის UNESCO-ს და UNEP-ის ხაზით. არის საქართველოს მეცნიერებათა აკადემიის მეოთხეული პერიოდის შემსწავლელი და მთიანი რეგიონების მდგრადი განვითარების კომისიების წევრი; რუსეთის მეცნიერებათა აკადემიის გეოდინამიკის შემსწავლელი კომისიის ასოცირებული წევრი; რუსეთის ღვარცოფული პროცესების შემსწავლელი საბჭოს ასოცირებული წევრი; საქართველოს გარემოს დაცვისა და ბუნებრივი რესურსებისა და საგანგებო სიტუაციების დეპარტამენტის სამეცნიერო-ტექნიკური საბჭოს წევრი. მიღებული აქვს სახელმწიფო ჯილდოები. გეოგრაფიულ მეცნიერებათა დოქტორი, პროფესორი (2003).

საკანდიდატო დისერტაციის თემა - "ცენტრალური კავკასიონის სამხრეთ ფერდის გეომორფოლოგია", დაიცვა 1966 წელს; სადოქტორო დისერტაციის თემა - "ბუნებრივ-კატასტროფული მოვლენები და მდგრადი განვითარების პრობლემა საქართველოში და მოსაზღვრე ტერიტორიებზე", დაიცვა 2003 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.294-296; ვახუშტი ბაგრატიონის სახელობის გეოგრაფიის ინსტიტუტი: geography.tsu.ge

• საერთაშორისო საინჟინრო-გეოლოგიის ასოციაცია, წევრი
• საქართველოს გეოგრაფიული საზოგადოება, წევრი
• საქართველოს გეოლოგიური საზოგადოება, წევრი
• საქართველოს ეკოლოგიურ და საინჟინრო მეცნიერებათა აკადემია, წევრ-კორესპონდენტი
• საქართველოს სამთო საზოგადოება, წევრი

• 2011 - ღირსების ორდენი

• კარსტულ-სპელეოლოგიური ტერმინების განმარტებითი ლექსიკონი (რედაქტორი). - თბილისი, თბილისის უნივერსიტეტის გამომცემლობა, 2019. - 246გვ. . - ISBN: 9789941137990
• კლიმატის ცვლილებასთან ადაპტაციის გზამკვლევი (თანაავტორი). - თბილისი, შპს ”ქოლორი”, 2016. - 266გვ.. - ISBN: 9789941086755
• საქართველოს სამხედრო გეოგრაფია (თანაავტორი). - თბილისი, უნივერსალი, 2012. - 295გვ.. - ISBN: 9789941178689
• ისტორიული მიწისძვრები საქართველოში (1900 წ.-მდე)-წყაროების ანალიზი და კატალოგის შედგენა (თანაავტორი). - თბილისი, 24 საათი, 2011. - 78გვ.. - ISBN: 9789941903199
• ბუნებრივი კატასტროფების რისკის შემცირების სწავლება ინტერაქტიული მეთოდებით : დამრიგებლის წიგნი (მე-5-9 კლასები) (თანაავტორი). - თბილისი, ეროვნ. სასწ. გეგმებისა და შეფასების ცენტრი, 2011. - 108გვ.. - ISBN: 9789941034404
• არსენ ოქროჯანაშვილი-80 : სტატიებისა და მოგონებების კრებული (თანაავტორი). - ქუთაისი, ლამპარი, 2010. - 142გვ.. - ISBN: 978-9941-9135-1-8