აბესალომ ჭანტურია

დაბადების ადგილი: ქ. თბილისი.

დაამთავრა თბილისის რკინიგზის ტექნიკუმი; საქართველოს ინდუსტრიული ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1941 წელს.

მონაწილეობდა მეორე მსოფლიო ომში; ომის დამთავრების შემდეგ მუშაობდა რესპუბლიკის სხვადასხვა უწყება-დაწესებულებებში საპასუხისმგებლო თანამდებობებზე; 1963 წლიდან იყო კავკასიის სამთო მოპოვებითი ტრესტ "ნახშირგეოლოგიის" მმართველის მოადგილე მშენებლობის დარგში; წლების განმავლობაში ეწეოდა პედაგოიგურ საქმიანობას; იყო საქართველოს ტექნიკური უნივერსიტეტის სამშენებლო ფაკულტეტის სამშენებლო წარმოების ეკონომიკისა და მართვის კათედრის დოცენტი; 1975 წლიდან კათედრის გამგე და პროფესორი; იყო ტექნიკური უნივერსიტეტის სამეცნიერო საბჭოს და სამშენებლო ინსტიტუტების საკავშირო გაერთიანების კათედრის გამგეთა დარგობრივი საბჭოს წევრი; 4 მონოგრაფიის, 15 სახელმძღვანელო უმაღლესი ტექნიკური სასწავლებლებისათვის და 150-ზე მეტი სამეცნიერო ნაშრომისა და გამოგონების ავტორი; დიდი წვლილი მიუძღვის მშენებლობის და საერთოდ ტექნიკური დარგების ახალგაზრდა მეცნიერთა და სტუდენტთა აღზრდაში; იყო საკანდიდატო დისერტაციების ხელმძღვანელი, რეცენზენტი და ოპონენტი; მონაწილეობდა საკავშირო, რესპუბლიკური და საერთაშორისო სამეცნიერო სიმპოზიუმებში და კონფერენციებში; დაჯილდოებულია საბრძოლო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.692

• საპატიო ნიშნის ორდენი

• მშენებლობის ორგანიზაციის დაგეგმვა და მართვა : სახელმძღვ. სამშენებლო ფაკ-ტის "სამრეწველო და სამოქალაქო" მშენებლობის სპეც. სტუდენტებისათვის (ავტორი). - თბილისი, განათლება, 1986. - 575გვ.
• კაპიტალური მშენებლობა საქართველოში (ავტორი). - თბილისი, საბჭ. საქართველო, 1981. - 206გვ.
• სამრეწველო და სამოქალაქო მშენებლობა საბჭოთა საქართველოში : დამხმ. სახელმძღვანელო (ავტორი). - თბილისი, 1979. - 88გვ.
• კაპიტალური მშენებლობის განვითარება საქართველოში : დამხმ. სახელმძღვ. [სამშენებლო ფაკ-ის სტუდენტებისათვის] (ავტორი). - თბილისი, საქ. პოლიტექნ. ინ-ტი, 1979. - 83გვ.
• ობიექტების მშენებლობის ქსელური გრაფიკის შედგენა სამშენებლო სპეციალობის სტუდენტებისათვის : დამხმ. სახელმძღვ. მშენებლობის ორგანიზაციის, დაგეგმვისა და მართვის კურსში (ავტორი). - თბილისი, 1977. - 128გვ.
• სამშენებლო საქმის საკითხები ზოგიერთი ისტორიულ წერილობით ძეგლში (თანაავტორი). - თბილისი, მეცნიერება, 1972. - 51გვ.