ამბაკო ჭელიძე

დაბადების ადგილი: სოფელი ბაჯი, ამბროლაურის რაიონი.

1895 წლიდან მუშაობდა გაზეთ "ივერიის" რედაქციაში. 1923-1929წწ. ირანში მონაწილეობდა ირან-საბჭოთა კავშირის ბანკის დაარსებაში. 1927 წელს იმოგზაურა ფერეიდანში. ერთ-ერთმა პირველმა აღადგინა კავშირი ფერეიდნელ ქართველებთან; სწავლობდა მათ ენას, ისტორიას, ყოფას. ა. ჭელიძემ მწერლობა მოთხრობების წერით დაიწყო. აღადგინა სპარსულიდან ქართულად თარგმნის დიდი ხნის მივიწყებული ტრადიცია. მისი თარგმანები გაერთიანებულია კრებულებში: "სპარსელი ლირიკოსები" (1935), "ირანელი ლირიკოსები" (1936), "მოლა ნასრედინის ანეკდოტები" (1940), ომარ ხაიამის "რობაიათი: (1946). თარგმნა პოემები "ლეილი და მაჯნუნი", "ხოსროვი და შირინი" (1964), "საიდუმლოებათა სალარო"; საადის "გოლესთანი" (1948), "ბუსთანი" (1955). ავტორია წიგნებისა "ფერეიდნელი ქართველები" (1935) და "ექვსი წელი სპარსეთში" (1964).

წყარო: ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.140; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.384; radiotavisupleba.ge

• თბილისის ქართველ მუსლიმანთა დამხმარე კულტურული საზოგადოება, წევრი

• ფერეიდნელი ქართველები. - თბილისი, ლიტერატურის მუზეუმი, 2011. - 207გვ. . - ISBN: 978-99940-28-66-5
• ექვსი წელი სპარსეთში . - თბილისი, მეცნიერება, 1964. - 131გვ.
• ფერეიდნელი ქართველები. - თბილისი, საბჭოთა მწერალი, 1951. - 108გვ.