ვლადიმერ ჭელიძე

დაბადების ადგილი: ქ. სოხუმი.

დაამთავრა თბილისის სახელმწიფო უნივერსიტეტი 1929 წელს.

1930 წლიდან გარდაცვალებამდე მუშაობდა ამავე უნივერსიტეტში; 1950-1978წწ. თბილისის სახელმწიფო უნივერსიტეტის ნამდვილი ცვლადის ფუნქციათა თეორიისა და ფუნქციონალური ანალიზის კათედრის გამგე; 1948-1952წწ. საქართველოს ა. რაზმაძის სახელობის მათემატიკის ინსტიტუტი (1951-1952წწ. — დირექტორი). ძირითადი ნაშრომები ეძღვნება ნამდვილი ცვლადის ფუნქციათა თეორიას. მან ააგო ფართო აზრით დანჟუას ორმაგი ინტეგრალის თეორია; ჯერად მწკრივთა და L²-კლასის ფურიეს ორმაგ მწკრივთა თეორიაში მიიღო შეჯამებადობისა და თითქმის ყველგან კრებადობის აუცილებელი და საკმარისი პირობები; შეისწავლა ვარიაციათა აღრიცხვის ძირითადი ამოცანა სივრცის შემთხვევაში, განაზოგადა ჰაარისა და დიუბუა-რეიმონის კლასიკური შედეგი და სხვ. ფიზიკა-მათემატიკის მეცნიერებათა დოქტორი (1950), პროფესორი (1951).

წყარო: ქართული საბჭოთა ენციკლოპედია, ტ. 11, თბ., 1987, გვ. 390

• საქართველოს მეცნიერებათა აკადემია, წევრ-კორესპონდენტი (1967-)

• 1961 - საქართველოს მეცნიერებათა დამსახურებული მოღვაწე

• მათემატიკური ანალიზის კურსი : სახელმძღვ. სტუდენტებისათვის (ავტორი) // ტ. 2. . - თბილისი, თბილ. უნ-ტის გამ-ბა, 1983. - 677გვ.
• მათემატიკური ანალიზის კურსი : სახელმძღვ. სტუდენტებისათვის (ავტორი) // ტ. 3. - თბილისი, თბილ. უნ-ტის გამ-ბა, 1981. - 339გვ.
• მათემატიკური ანალიზის კურსი : სახელმძღვ. სტუდენტებისათვის (ავტორი) // ტ. 1.. - თბილისი, თბილ. უნ-ტის გამ-ბა, 1979. - 637გვ.