ლევან ჭილაშვილი

დაბადების ადგილი: ქ. გურჯაანი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი ისტორიის სპეციალობით 1953 წელს.

1953-1956 წწ. იყო ივანე ჯავახიშვილის სახელობის ისტორიის  ინსტიტუტის ასპირანტი; 1957-1960 წწ. მისი მოღვაწეობა ს. ჯანაშიას სახელობის საქართველოს სახელმწიფო მუზეუმში გრძელდება უმცროსი მეცნიერი თანამშრომლის თანამდებობაზე; 1960-1970 წწ. ამავე მუზეუმის უფროსი მეცნიერი თანამშრომელია, 1970-1973 წწ. მუზეუმის დერექტორის მოადგილე, ხოლო 1981 წლიდან გარდაცვალებამდე მუზეუმის დირექტორი იყო. 1990-1991 წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "საქართველოს კომუნისტური პარტია", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). მისი მთავარი სამეცნიერო სფეროები იყო ანტიკური საქართველოს არქეოლოგია და ისტორია. 1995-2003 წწ. ნეკრესში ლ. ჭილაშვილის არქეოლოგიურმა ექსპედიციამ აღმოაჩინა, მისი ვარაუდით, წინარე ქრისტიანული, I-III საუკუნეების ქართული წარწერები. არის მრავალი სამეცნიერო ნაშრომის, მონოგრაფიების ავტორი. ისტორიის მეცნიერებათა დოქტორი, პროფესორი.

წყარო: საქართველოს პარლამენტი: parliament.ge; საქართველოს პარლამენტის წევრები 1990-2015.- თბ.-2015.-გვ.397; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.150; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.397; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.195

• საქართველოს მეცნიერებათა აკადემია, აკადემიკოსი (2001-2004)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)

• 2002 - საქართველოს სახელმწიფო პრემია, მეცნიერებისა და ტექნიკის დარგში
  ჰუმანიტარულ მეცნიერებათა დარგში 1958-1991 წლებში გამოქვეყნებულ შრომათა ციკლისათვის - "ქალაქები და საქალაქო ცხოვრება შუა საუკუნეების საქართველოში" (ისტორიულ-არქეოლოგიური გამოკვლევა).
• 2002 - ვახტანგ გორგასლის III ხარისხის ორდენი
• 1998 - ღირსების ორდენი
  საქართველოს მეცნიერებათა აკადემიის ს. ჯანაშიას სახელობის საქართველოს სახელმწიფო მუზეუმის ექსპოზიციისა და ფონდების დაცვა-შენახვისა და განადგურებისაგან გადარჩენისსაქმეში შეტანილი განსაკუთრებული პირადი წვლილისათვის
• 1986 - საპატიო ნიშნის ორდენი
• 1982 - სიმონ ჯანაშიას სახელობის პრემია
• 1982 - საქართველოს მეცნიერებათა დამსახურებული მოღვაწე

• ნეკრესის წარმართული სამლოცველოები (ავტორი). - თბილისი, საქ. მეცნ. აკად., საქ. სახელმწ. მუზეუმი, 2000. - 114გვ.
• არეში : ისტორ.-არქეოლ. გამოკვლევა (ავტორი). - თბილისი, მეცნიერება, 1991. - 231გვ.
• საქართველოს IV-XVIII სს. მატერიალური კულტურა : გამოფენის გზამკვლევი (ავტორი). - თბილისი, მეცნიერება, 1990. - 90გვ.
• მუზეუმმცოდნეობა და სამუზეუმო საქმის საფუძვლები : ლექციების კურსი (ავტორი). - თბილისი, თბილ. უნ-ტის გამ-ბა, 1984. - 157გვ.
• კახეთის ქალაქები (XIV-XVII სს.) (ავტორი). - თბილისი, მეცნიერება, 1980. - 312გვ.
• ნაქალაქარი ურბნისი : ისტ.-არქეოლოგ. გამოკვლევა (ავტორი). - თბილისი, საქ. მეცნ. აკად. გამ-ბა, 1964. - 181გვ.