ჯუმბერ ჭუმბურიძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1942 წელს.

1946 წლიდან მუშაობს თბილისის სახელმწიფო უნივერსიტეტის ახალი ქართული ლიტერატურის ისტორიის კათედრაზე. 1974 წლიდან ხელმძღვანელობს თბილისის სახელმწიფო უნივერსიტეტის  ვაჟა-ფშაველას კაბინეტს. პირველი სამეცნიერო ნაშრომი გამოაქვეყნა 1944 წელს. ავტორია წიგნებისა: "ნარკვევები ქართული ლიტერატურისა და კრიტიკის ისტორიიდან"(1958), "ქართული კრიტიკის ისტორია" (1966, მე-2 გამოც.1974), "მწერლები და კრიტიკოსები" (1974), მისი მონაწილეობით (რედაქცია, შესავალი წერილები და კომენტარები) გამოვიდა "გრიგოლ ორბელიანის თხზულებათა სრული კრებული" (1959), "ვაჟა-ფშაველა ლიტერატურისა და ხელოვნების შესახებ" (1967), 1942 წელს «ვაჟა-ფშაველას "ბახტრიონი"» (1972), "ვაჟა-ფშაველას ხუთი პოემა" (1975) და სხვა. ფილოლოგიის მეცნიერებათა დოქტორი(1963), პროფესორი(1964).

წყარო: ქართული საბჭოთა ენციკლოპედია: ტ. 11.-თბ., 1987.-გვ.408

• 1986 - საქართველოს მეცნიერებათა დამსახურებული მოღვაწე

• მეცხრამეტე საუკუნე : ლიტ. ნარკვევები (ავტორი). - თბილისი, თსუ, 2004. - 307გვ.
• ქართველი მწერლები ვაჟა-ფშაველას შესახებ : კრებული (შემდგენელი). - თბილისი, თბილ. უნ-ტის გამ-ბა, 2003. - 711გვ.
• ქართული პროზის ისტორიიდან : რომანტიკული პროზის საკითხისათვის ქართ. ლიტ-რაში (ავტორი). - თბილისი, თბილ. უნ-ტის გამ-ბა, 2001. - 184გვ.
• ქართული კრიტიკის ისტორია (ავტორი). - თბილისი, საბჭ. საქართველო, 1966. - 499გვ.