ალექსანდრე ხარაზიშვილი

დაბადების ადგილი: ქ. მოსკოვი.

დაამთავრა თბილისის სახელმწიფო უნივერსიტეტის მექანიკა–მათემატიკის ფაკულტეტი, მათემატიკის სპეციალობით 1972 წელს.

1973-1976წწ. იყო თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტის უმცროსი მეცნიერ თანამშრომელი; 1976-1983წწ. ამავე ინსტიტუტის უფროსი მეცნიერ თანამშრომელი; 1983-2005წწ. დირექტორი და დისკრეტული მათემატიკის განყოფილების გამგე; 1994-1998წწ. ლოძის უნივერსიტეტის ნამდვილი ცვლადის ფუნქციათა თეორიის კათედრის მიწვეული პროფესორი; 2006 წლიდან დღემდე არის ა. რზმაძის მათემატიკის ინსტიტუტის მათემატიკური ანალიზის განყოფილების მთავარი მეცნიერ თანამშრომელი; ი. ჭავჭავაძის სახელობის უნივერსიტეტის ფიზიკა–მათემატიკის ფაკულტეტის პროფესორი. სამეცნიერო ინტერესების სფეროები: სიმრავლეთა თეორია და უსასრულო კომბინატორიკა, ნამდვილი ცვლადის ფუნქციათა თეორია, ზომის თეორია და ფუნქციონალური ანალიზი, ამოზნექილი გეომეტრია. 250 სამეცნიერო ნაშრომის ავტორი. მიღებული აქვს ლოძის უნივერსიტეტის (1996) და მეცნიერების ისტორიის საქართველოს საზოგადოების (2006) პრემიები. ფიზიკა-მათემატიკის მეცნიერებათა დოქტორი (1982), პროფესორი. 

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.303; საქართველოს მეცნიერებათა ეროვნული აკადემია: science.org.ge

• საქართველოს მეცნიერებათა ეროვნული აკადემია, აკადემიკოსი (2014-)
• საქართველოს მეცნიერებათა ეროვნული აკადემია, წევრ–კორესპონდენტი (2009-2014)

• 2006 - ნიკო მუსხელიშვილის სახელობის პრემია

• სიმრავლეთა თეორიის საწყისები (ავტორი) // ნაწ. 3. - თბილისი, საქ. მეცნ. ეროვნული აკადემიის სტამბა, 2019. - 250გვ.. - ISBN: 9789941807831
• სიმრავლეთა თეორიის საწყისები (ავტორი) // ნაწ. 2, სიმრავლეთა თეორიის საწყისები. - თბილისი, ი. ჭავჭავაძის უნ-ტის გამ-ბა, 2012. - 240გვ.. - ISBN: 9789941043413
• მათემატიკური ესკიზები (ავტორი) // ნაწ. 2. - თბილისი, ილია ჭავჭავაძის სახელმწ. უნ-ტი, 2010. - 204გვ.. - ISBN: 978-9941-18-009-5
• სიმრავლეთა თეორიის საწყისები (ავტორი) // ნაწ. 1. - თბილისი, ი. ჭავჭავაძის უნ-ტის გამ-ბა, 2008. - 228გვ.. - ISBN: 9789941903533
• მათემატიკური ესკიზები (ავტორი) // ნაწ. 1. - თბილისი, ილია ჭავჭავაძის სახელმწ. უნ-ტი, 2007. - 198 გვ.. - ISBN: 978-99940-68-26-5