ეთერ ხარაიშვილი

დაამთავრა თბილისის სახელმწიფო უნივერსიტეტის დარგობრივი ეკონომიკის ფაკულტეტი 1975 წელს.

1980–1983წწ. - თბილისის სახელმწიფო უნივერსიტეტის სახალხო მეურნეობის დაგეგმვის ფაკულტეტის მრეწველობის, სოფლის მეურნეობისა და შრომის ეკონომიკის კათედრის მასწავლებელი; 1983–2000წწ. - ამავე უნივერსიტეტის ეკონომიკის ფაკულტეტის მრეწველობის, სოფლის მეურნეობისა და შრომის ეკონომიკის კათედრის დოცენტი; 1996–1999წწ. - ეკონომიკის ფაკულტეტის დეკანის მოადგილე სამეცნიერო დარგში; 2000–2002წწ. - ეკონომიკის ფაკულტეტის მრეწველობის, სოფლის მეურნეობისა და შრომის ეკონომიკის კათედრის პროფესორი; 1999-2006წწ. - ეკონომიკის ფაკულტეტის დეკანის მოადგილე მაგისტრატურაში სწავლების დარგში; 2002-2006წწ. - ეკონომიკის ფაკულტეტის მაკროეკონომიკის კათედრის პროფესორი; 2006-2009წწ. - ეკონომიკისა და ბიზნესის ფაკულტეტის ეკონომიკის მიმართულების სრული პროფესორი; 2009-2010 წწ. - ეკონომიკისა და ბიზნესის ფაკულტეტის საზოგადოებასთან ურთიერთობის სამსახურის უფროსი; 2009-2012 წწ. - ეკონომიკისა და ბიზნესის ფაკულტეტის მიკროეკონომიკის კათედრის სრული პროფესორი; 2012 წლიდან - ეკონომიკისა და ბიზნესის ფაკულტეტის პროფესორი; 2015 წლიდან - თბილისის სახელმწიფო უნივერსიტეტის ეკონომიკის ფაკულტეტის ხარისხის უზრუნველყოფის სამსახურის უფროსი. 150-ზე მეტი სამეცნიერო ნაშრომის ავტორი და თანაავტორი, მათ შორის 5 მონოგრაფია, რამდენიმე სახელმძღვანელო, 100-ზე მეტი სამეცნიერო სტატია და საკონფერენციო მოხსენება. ეკონომიკის მეცნიერებათა დოქტორი (1999), პროფესორი.

სადოქტორო დისერტაციის თემა - "ეკონომიკურ-ორგანიზაციულ ურთიერთობათა სისტემა საქართველოს აგროსამრეწველო კომპლექსში და მისი სრულყოფის მიმართულებები", დაიცვა 1999 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.541; თბილისის სახელმწიფო უნივერსიტეტი: tsu.ge

• ბუნების ისტორიის ევროპული აკადემია, ნამდვილი წევრი
• საქართველოს ეკონომიკურ მეცნიერებათა აკადემია, ნამდვილი წევრი, აკადემიის ვიცე-პრეზიდენტი
• სოფლის მეურნეობის ეკონომიკის ევროპული ასოციაცია (შვეიცარია), წევრი

• ივანე ჯავახიშვილის სახელობის მედალი
  სამეცნიერო და პედაგოგიურ საქმიანობაში შეტანილი წვლილისათვის
• ღირსების ორდენი

• ღვინის ბაზარი და მევენახეობა-მეღვინეობის დივერსიფიკაციის კონკურენტული მოდელები საქართველოში : მონოგრაფია (ავტორი). - თბილისი, უნივერსალი, 2017. - 204გვ. . - ISBN: 9789941260827
• ფირმის ეკონომიკა : თეორია და პრაქტიკა : სახელმძღვ. ეკონ. და ბიზნ. სპეც. სტუდ. (თანაავტორი). - თბილისი, უნივერსალი, 2011. - 446გვ.. - ISBN: 9789941172823
• ფირმის ფინანსური ეკონომიკა : დამხმ. სახელმძღვ. (ავტორი). - თბილისი, უნივერსალი, 2009. - 208გვ. . - ISBN: 9789941125478
• რეგიონული ეკონომიკა : პრაქტიკული სავარჯიშოები. საქმიანი სიტუაციები. ტესტები. აკადემიური წერა. ამოცანები. საშინაო დავალებები. კითხვები და გადაწყვეტილებები (ავტორი). - თბილისი, თბილ. უნ-ტის გამ-ბა, 2004. - 117გვ.. - ISBN: 9994012371
• საქართველოს აგროსამრეწველო კომპლექსის ეკონომიკურ-ორგანიზაციული მექანიზმი და მისი სრულყოფის მიმართულებანი (ავტორი). - თბილისი, სახ. უნ-ტის გამ-ბა, 2004. - 172გვ.