ილია ხეროდინაშვილი

დაბადების ადგილი: ქ. ხაშური.

დაამთავრა მოსკოვის ფოლადის ინსტიტუტი ინჟინერ-მშენებლის კვალიფიკაციით 1958 წელს; საქართველოს სახალხო მეურნეობის მართვის ინსტიტუტი 1981 წელს; მოსკოვის საგარეო ვაჭრობის აკადემია 1990 წელს; გავლილი აქვს სტაჟირება გერმანიაში.

გაზის გამანაწილებელი სისტემების ზოგადი თეორიის ფუძემდებელი, ახალი ტექნოლოგიების, მსოფლიოს შეცვლის და საქართველოს გაზის მეურნეობის განვითარების კონცეფციის ავტორი, საქართველოში გაზიფიკაციის დაწყების ისტორიული თარიღია 1959 წლის 26 დეკემბერი, როცა ილია ხეროდინაშვილმა, როგორც რუსთავის მეტალურგიულ ქარხანის მეტალურგიული ღუმელების გაზიფიკაციის ხელმძღვანელმა, აანთო ცისფერი ალი მერვე მარტენის ღუმელში. მისი ყველაზე დიდი დამსახურება მეტალურგიაში არის ის, რომ თბოტექნიკურ ლაბარატორიაში (თტლ) შექმნა მარტენისა და გამათბობელი ღუმელების უბნები, ასევე  მეტალურგიული ღუმელების გამართვის მეთოდოლოგია, რომელიც დაფუძნებული იყო მ. გლიმკოვის მეცნიერულ თეორიაზე. საქართველოს დასახლებული პუნქტების გაზიფიკაცია ხორციელდება მისი ინოვაციური ტექნოლოგიებით. იყო ინიციატორი საქართველოს ტერიტორია გამოყენებული ყოფილიყო დერეფნად მაგისტრალური გაზსადენების მშენებლობისთვის, თურქეთში ბუნებრივი გაზის მიწოდების მიზნით. 2007 წელს, პირეველად მსოფლიოში, მან შეიმუშავა გაზის გამანაწილებელი სისტემების ფუნდამენტური ზოგადი მეცნიერული თეორია, რომელიც გამოიცა მონოგრაფიის სახით. მონოგრაფიის მთავარმა რედაქტორმა იგი აღიარა აღნიშნული თეორიის ფუძემდებლად და ერთ-ერთ ფორმულას ეწოდა მისი სახელი. საქართველოს გაზის დარგში პირველი მეცნიერებათა აკადემიური დოქტორი (1998).

1958-1967წწ. მუშაობდა საქართველოს რუსთავის მეტალურგიული ქარხანა (რმქ) – მუშად, თბოტექნიკოსად, გაზის მეურნეობის ოსტატად, თბოტექნიკური ლაბორატორიის უფროსად; 1967-1981წწ. საქართველოს გაზიფიკაციის მთავარი სამმართველო (სგმს) "საქმთავარგაზში": ა) 1967-1970წწ. სგმს "საქმთავარგაზის" განყოფილების უფროსად; ბ) 1970-1975წწ. სგმს "საქმთავარგაზის" რესპუბლიკური გამშვებ - გამმართავი სამმართველო "საქორგგაზის" უფროსად, გ) 1975-1981წწ. სგმს "საქმთავარგაზის" უფროსის მოადგილედ; 1981-1988წწ. საქართველოს გაზიფიკაციის სახელმწიფო კომიტეტი (სგსკ) "საქგაზსახკომში": ა) 1981-1985წწ. სგსკ "საქგაზსახკომში" თავმჯდომარის მოადგილედ, ბ) 1985-1988წწ. ტრესტ "თბილგაზის" – ტრესტის მმართველად - სგსკ "საქგაზსახოკომის" თავჯდომარის მოადგილედ; 1988-1993წწ. საკავშირო გაზის მრეწველობის სამინისტრო (სგმს) "მრეწვგაზში": ა) 1988-1990წწ. სგმს "მრეწვგაზის" საწარმოო – გაერთიანება "საქტრანსგაზმრეწვის" – გენერალური დირექტორის მოადგილედ, ბ) 1990-1993წწ. თურქეთში რუსეთის სახელმწიფო საგარეო - ეკონომიკური საწარმოს "გაზექსპორტის" წარმომადგენლად; 1994-1995წწ. საქართველოს მინისტრთა კაბინეტის მძიმე მრეწველობისა და ენერგეტიკის საკითხთა სახელმწიფო მრჩეველად; 1996-2000წწ. შპს "ორგტექსერვისის" გენერალურ დირექტორად; 1997-2001წწ. საპროექტო–საძიებო და სამეცნიერო –კვლევითი ინსტიტუტი "ჰიდროპროექტის" – დირექტორის მოადგილედ თბოენერგეტიკის დარგში; 1999 წლიდან საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკის): ა) 1999-2014წწ. ბუნებრივი გაზის დეპარტამენტის მთავარ სპეციალისტად, ბ) 2014 წლიდან მრჩეველთა საბჭოს უფროს მრჩევლად. არის 98 სამეცნიერო ნაშრომის ავტორი და თანაავტორი, მათ შორის სამი მონოგრაფიის, 39  სტატიის, გამოქვეყნებული სამეცნიერო ჟურნალებში; 24 სამეცნიერო მოხსენების, კონცეფციების და ა.შ.; 32 გამოგონების, მათ შორის დასახლებული პუნქტების გაზიფიკაციის ინოვაციური ტექნოლოგიების; გაზეთის სტატიების, გაზის დარგის პრობლენებზე და ა.შ.; 60 რაციონალიზატორული წინადადების. წინადადებები დაინერგა რმქ-ის მეტალურგიულ ღუმელებზე. 

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.435

• საერთაშორისო (აშშ-ს) ინჟინერ-ენერგეტიკოსთა ასოციაცია, წევრი
• საერთაშორისო საინჟინრო აკადემია, ნამდვილი წევრი (2011-)
• საქართველოს ენერგეტიკის აკადემია, ნამდვილი წევრი (1998-)
• საქართველოს საინჟინრო აკადემია, ნამდვილი წევრი (2007-)

• 2022 - თბილისის საპატიო მოქალაქე
• 2009 - ღირსების ორდენი
• 2002 - ღირსების ორდენი
• 2002 - საქართველოს ნავთობისა და გაზის მრეწველობის საპატიო მუშაკი
• 1984 - საქართველოს დამსახურებული ინჟინერი
• 1981 - საპატიო ნიშნის ორდენი
• 1975 - საქართველოს დამსახურებული რაციონალიზატორი

• სისტემური მიდგომა და გაზმომარაგების სისტემის კლასიფიკაცია, ძირითადი ტერმინები და მაჩვენებლები : სამახსოვრო გაზის მეურნეობის მუშაკებისთვი (ავტორი). - ქუთაისი, საგამომცემლო ცენტრი(შპს "ხომლი ენ"-ის სტ.), 2012. - 284გვ.. - ISBN: 978-9941-0-5033-6
• გაზის გამანაწილებელი სისტემების ზოგადი თეორიის საფუძვლები და უსაფრთხოების უზრუნველყოფის კონცეპტუალური მოდელი : მონოგრაფია (ავტორი). - თბილისი, 2007
• სოფლის ტიპის დასახლებული პუნქტების გაზმომარაგების ახალი მაღალეფექტური სისტემები : მონოგრაფია (ავტორი). - თბილისი, შპს "დიოსკურია-2004", 2007. - 196გვ.