ნური ხომასურიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და ტელემექანიკის ფაკულტეტი 1961 წელს; 1961-1963წწ. იყო კიევის კიბერნეტიკის ინსტიტუტში სამეცნიერო ხარისხის მაძიებელი.

1963-2014წწ. მუშაობდა თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტში: 1963-1997წწ. უმცროსი, უფროსი, წამყვანი მეცნიერ-თანამშრომელი; 1998-2002წწ. მყარი და თხევადი ნაწილებისაგან შემდგარი სხეულების მათემატიკური მოდელირების ლაბორატორიის გამგე; 2003-2006წწ. მრავალკომპონენტიანი გარემოს მოძრაობის მათემატიკური მოდელირების ლაბორატორიის გამგე; 2007-2014წწ. მკვლევარი, უფროსი მკვლევარი, უფროსი მეცნიერ-თანამშრომელი. მისი სამეცნიერო კვლევის ძირითადი მიმართულებებია: ცვლადთა განცალების მეთოდი და დიფერენციალური განტოლებები; დრეკადობის თეორიისა და თერმოდრეკადობის ორ - და სამგანზომილებიანი კლასიკური და არაკლასიკური ამოცანები; სიმეტრიისა და ანტისიმეტრიის პრინციპები უწყვეტი გარემოს მექანიკაში; სხვადასხვა კოორდინატთა სისტემაში (ბიპოლარული, ელიფსური, სფერული, ტოროიდალური) დრეკადობის თეორიისა და თერმოდრეკადობის სასაზღვრო და სასაზღვრო-საკონტაქტო ამოცანები; სოლისებრი და კონუსური სხეულების დრეკადი და თერმოდრეკადი წონასწორობა; კლასიკური და არაკლასიკური ამოცანები არაკუმშვადი სხეულებისათვის (რეზინი); ი. ვეკუას ფირფიტათა და გარსთა თეორია; სტაციონარულ შემთხვევაში ტორნადოსა და სხვა ძაბრის ფორმის მბრუნავი სითხისა და გაზის შესაბამისი ამოცანების მათემატიკური მოდელირება; ამოცანები ბლანტი არაკუმშვადი სითხის სტაციონარულ დინებაზე; პიეზო-ელექტრო თეორიის ამოცანების მათემატიკური მოდელირება. ფიზიკა-მათემატიკის მეცნიერებათა დოქტორი (2002).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.307-308

• 2014 - ივანე ჯავახიშვილის სახელობის მედალი

• წამახვილებული ფირფიტების და გარსების დრეკადი წონასწორობა (რედაქტორი). - თბილისი, 1993. - 181გვ.