გიგი ხორნაული

დაბადების ადგილი: სოფელი კაწალხევი, დუშეთის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის კავკასიურ ენათა განყოფილება 1959 წელს.

1960-1961წწ. მონაწილეობდა ლიტერატურის ინსტიტუტის მიერ მოწყობილ კახეთის დიდ ფოლკლორულ ექსპედიციაში; 1963-1967წწ. მუშაობდა გამომცემლობა "ნაკადულის" რედაქტორად; 1967-1969წწ. - "ქართული საბჭოთა ენციკლოპედიის" სპეციალური სამეცნიერო რედაქციის მეცნიერ-რედაქტორად; 1969 წლიდან მუშაობს თბილისის სახელმწიფო უნივერსიტეტის ქართული ენის კათედრასთან არსებული "ონომასტიკის სამეცნიერო კვლევითი ცენტრის" წამყვან მეცნიერად. მოიარა, აღწერა და გამოსაცემად მოამზადა აღმოსავლეთ საქართველოს მთის ყველა კუთხის ტოპონიმია. ცენტრალურ ჟურნალ-გაზეთებში გამოქვეყნებული აქვს 70-ზე მეტი სტატია, ძირითადად სამეცნიერო. მოთხრობების, საბავშვრო პიესების, სამეცნიერო შრომების ავტორი. ფილოლოგიის მეცნიერებათა დოქტორი (1995).

საკანდიდატო დისერტაციის თემა - "მთიულეთ-გუდამაყრის ტოპონიმიკა", დაიცვა 1975 წელს; სადოქტორო დისერტაციის თემა - "ქართული ონომასტიკის საკითხები", დაიცვა 1995 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.512; ვებ-გვერდი "ბურუსი": burusi.wordpress.com; scroll.ge

• საქართველოს მწერალთა კავშირი, წევრი

• ცხოვრება ვაჟა-ფშაველასი (ავტორი). - თბილისი, მწიგნობარი, 2019. - 470გვ.. - ISBN: 9789941485602
• ჩემი საწუთრო-სამზეო : მოგონებები (ავტორი) // წ. 1. - თბილისი, არტანუჯი, 2017. - 464გვ.. - ISBN: 9789941463709
• შვილთათვის დასარქმევი სახელები (ავტორი). - თბილისი, კალიგრაფი, 2010. - 72გვ.. - ISBN: 9789941915918
• ქართული ონომასტიკა (ავტორი). - თბილისი, თბილ. უნ-ტის გამ-ბა, 2003. - 459გვ.. - ISBN: 9992896043
• ქართული გვარების წარმოშობის შესახებ (ავტორი). - თბილისი, ქრონოგრაფი, 2000. - 74გვ.
• ფშაური ლექსიკონი : 8046 სიტყვა (ავტორი). - თბილისი, "ენა და კულტურა", 2000. - 326გვ.
• მთები და სახელები : მთიულეთ-გუდამაყრის ტოპონიმიკური მასალები და ძიებანი (ავტორი). - თბილისი, თბილ. უნ-ტის გამ-ბა, 1983. - 200გვ.
• ახალყოილნი : მოთხრობები (ავტორი). - თბილისი, ნაკადული, 1966. - 166გვ.