ტროფიმე ხუნდაძე

დაბადების ადგილი: სოფელი კალაგონი, ჩოხატაურის რაიონი.

დაამთავრა ქუთაისის ქართული გიმნაზია 1909 წელს და შევიდა მოსკოვის უნივერსიტეტის ისტორიისა და ფილოლოიის ფაკულტეტზე; 1915 წელს დაამთავრა ხარკოვის უნივერსიტეტი.

1912 წელს სტუდენტთა რევოლუციურ მოძრაობაში მონაწილეობისათვის უნივერსიტეტიდან გარიცხეს. 1915 წელს დაბრუნდა ქუთაისში. 1919 წელს თბილისში გადმოვიდა და გააგრძელა პედაგოგიური მუშაობა გიმნაზიაში, შემდეგ ჰუმანიტარულ ტექნიკუმში. 1930 წლიდან მუშაობდა უმაღლეს სკოლაში, 1945-1957 წწ. საქართველოს სსრ მეცნიერებათა აკადემიის ივ. ჯავახიშვილის სახელობის ისტორიის ინსტიტუტში. მისი კვლევის საგანი იყო XIX საუკუნისა და XX საუკუნის დასაწყისის საზოგადოების აზროვნებისა და სახალხო განათლების ისტორია. ისტორიის მეცნიერებათა დოქტორი (1948), პროფესორი (1950).

წყარო: ქართული საბჭოთა ენციკლოპედია: ტ. 11.-თბ., 1987.-გვ.515

• ქუთაისის ქართული გიმნაზიის ისტორიიდან (ავტორი). - თბილისი, თბილ. უნ-ტის გამ-ბა, 1976. - 103გვ.
• ცარიზმის პოლიტიკისათვის ბიბლიოთეკების მიმართ საქართველოში (ავტორი). - თბილისი, საქ. სსრ სახ. წიგნის პალატა, 1948. - 286გვ.
• ცარიზმი და სახალხო განათლება საქართველოში 1801-1917 წ. წ. : ისტორ. მეცნ. დოქტორის სამეცნ. ხარისხის მოსაპოვებლად წარმოდგენილი შრომის თეზისები (ავტორი). - თბილისი, საქ. სსრ მეცნ. აკადემიის გამ-ბა და სტ., 1948. - 16გვ.