გულნაზი ხუხუა

დაბადების ადგილი: ქ. გალი.

დავამთავრა ა. მ. გორკის სახელობის სოხუმის სახელმწიფო პედაგოგიური ინსტიტუტის ფილოლოგიური ფალკულტეტი ქართული ენისა და ლიტერატურის მასწავლებლის სპეციალობით 1971 წელს.

1973-1980წწ. - სოხუმის 45-ე საშუალო პროფტექნიკური სასწავლებელი, ქართული ლიტერატურისა და ესთეტიკის მასწავლებელი; 1980 წლიდან - სოხუმის სახელმწიფო უნივერსიტეტი, პედაგოგიკისა და ფსიქოლოგიის კათედრა, პედაგოგიკის ლექტორი; 1989 წელს მიენიჭა დოცენტის სამეცნიერო-პედაგოგიური წოდება სპეციალობით, პედაგოგიკის თეორია და ისტორია; 1991 წელს დააფუძნა მეცნიერ-პედაგოგთა ასოციაცია "აპოგეა" და პედაგოგიურ საზოგადოებრივი ჟურნალი "მზრდელ ყრმისა"; 1994-2004წწ. - პედაგოგიკისა და ფსიქოლოგიის კათედრის გამგე; 1994-1995წწ. - გაზეთ "სოხუმის სადროშოს" რედაქტორი; 1995 წელს დააარსა გაზეთი "პედაგოგიკა", გამოდიოდა 1998 წლამდე; 1998 წლიდან - ყოველწლიური სამეცნიერო-პედაგოგიური შრომების კრებულის რედაქტორ-გამომცემელი თვითდაფინანსების წესით; 2010 წლიდან  - სოხუმის სახელმწიფო უნივერსიტეტის განათლების სამეცნიერო-კვლევითი ინსტიტუტის დირექტორი. გამოცემული აქვს 56-მდე სამეცნიერო შრომა, მათ შორის 7 მონოგრაფია, 1 პედაგოგიკის სახელმძღვანელო, 200-ზე მეტი საგაზეთო სტატია. ქართულ ენაზე თარგმნა მარკუს ფაბიუს კვინტილიანეს პედაგოგიური თხზულების 12 წიგნი "ორატორის დარიგებანი". წლების განმავლობაში ოფიციალურად ხელმძღვანელობდა პროფესორ-მასწავლებელთა და სტუდენტთა სხავადასხვა დონის სამეცნიერო კონფერენციებს. ეწევა პედაგოგიურ, სამეცნიერო და ჟურნალისტიკურ საქმიანობას. პედაგოგიკის მეცნიერებათა დოქტორი (1999), პროფესორი (2004).

საკანდიდატო დისერტაციის თემა - "მოსწავლეთა ინტერნაციონალური აღზრდა", დაიცვა 1986 წელს; სადოქტორო დისერტაციის თემა - "მარკუს ფაბიუს კვინტილიანეს პედაგოგიური მემკვიდრეობა", დაიცვა 1999 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.578; სოხუმის სახელმწიფო უნივერსიტეტის ელექტრონული ბიბლიოთეკა: elibrary.sou.edu.ge

• საქართველოს პედაგოგიკურ მეცნიერებათა აკადემია, აკადემიკოსი (2004-)

• ინკლუზიური განათლება: სპეციალური პედაგოგიკა : სახელმძღვანელო (ავტორი). - თბილისი, საგამომცემლო პროგრამა "ლოგოსის" სტამბა, 2017. - 372გვ.. - ISBN: 9789941270994
• პედაგოგიკური ნარკვევები: გულნაზი ხუხუა (ავტორი). - თბილისი, თსუ-ის ფილოლ., ბიზანტ. და ნეოგრეც. ინ-ტის სტ., 2014. - 224გვ.. - ISBN: 9789941068164
• პიროვნების ფორმირების პედაგოგიური სისტემების ინტეგრაციისა და გამოყენების თანამედროვე ტექნოლოგიები : მონოგრაფია (ავტორი). - თბილისი, უნივერსალი, 2011. - 71გვ. . - ISBN: 9789941175770
• ბიბლია, პედაგოგიკა და ჩვენ (ავტორი). - თბილისი, ი/ს "ვექტორი", 2009. - 80გვ.. - ISBN: 9789941017988
• პედაგოგიკა : სახელმძღვანელო (ავტორი). - თბილისი, ს/ს "ნატალი", 2009. - 300გვ. . - ISBN: 9789941014390
• ქრისტიანული მორალი და პიროვნების ფორმირება : მონოგრაფია (ავტორი). - თბილისი, "სამშობლოს" გამ-ბა და სტ., 1997. - 100გვ.
• მარკუს ფაბიუს კვინტილიანეს პედაგოგიური მემკვიდრეობა (ავტორი). - თბილისი, სამშობლო, 1996. - 208გვ.