ლეონიდე ჯახაია

დაბადების ადგილი: ქ. სოხუმი.

დაამთავრა სოხუმის პედაგოგიური ინსტიტუტი 1956 წელს.

1961 წელს დაიწყო სამეცნიერო-პედაგოგიური მოღვაწეობა სოხუმის პედაგოგიური ინსტიტუტის ფილოსოფიის კათედრაზე; 1977-1978წწ. მუშაობდა ბულგარეთში, კლიმენტ ოხრიდსკის სახელობის სოფიის უნივერსიტეტში; 1983-1986წწ. - კომენსკის სახელობის ბრატისლავის უნივერსიტეტში; 1980-1993წწ. იყო საქართველოს სუბტროპიკული მეურნეობის ინსტიტუტის ფილოსოფიის კათედრის გამგე (სოხუმში), შემდეგ, თბილისის სახელმწიფო უნივერსიტეტის სოხუმის ფილიალის (თბილისში) ფილოსოფიისა და სოციოლოგიის კათედრის გამგე.

მისი კვლევის ძირითადი მიმართულებებია გნოსეოლოგიის, მეცნიერებათმცოდნეობისა და კოსმოლოგიის ფილოსოფიური პრობლემები. ფილოსოფიის დარგში ჩამოაყალიბა იდეა იმის შესახებ, რომ მსოფლიო ფილოსოფიის ისტორიაში არსებობს და პარალელურად ვითარდება ფილოსოფოსობის სამი ძირითადი ნაირსახეობა: მეცნიერული (სციენტისტური), ანთროპოლოგიური (ეგზისტენციალური) და რელიგიური (თეოლოგიური) ფილოსოფია, რომლებიც სხვადასხვანაირად ორიენტირებულ ადამიანთა მსოფლმხედველობრივ მისწრაფებას აკმაყოფილებენ. თვითონ დგას მატერიალისტურად ორიენტირებული მეცნიერული ფოლოსოფიის პოზიციებზე. ავტორია 200-ზე მეტი პუბლიკაციისა ქართულ, რუსულ, ინგლისურ, ბულგარულ, სლოვაკურ, ჩეხურ ენებზე, მათ შორის, მონოგრაფიებისა, დამხმარე სახელმძღვანელოებისა ფილოსოფიაში, ფუტუროლოგიური რომანისა "Записки Дмитрия Киртадзе" და პოეტური კრებულებისა. ფილოსოფიის მეცნიერებათა დოქტორი (1970), პროფესორი (1973).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.209-210

• საქართველოს განათლების მეცნიერებათა აკადემია, ვიცე-პრეზიდენტი
• საქართველოს ფილოსოფიურ მეცნიერებათა აკადემია, აკადემიკოსი (1995-)

• აფხაზეთის ავტონომიური რესპუბლიკის კულტურის დამსახურებული მუშაკი

• Вакуум : вакуумная теория вещества и поля (ავტორი). - Тбилиси, Универсал, 2008. - 136с. . - ISBN: 9789941123467
• ზოგადი სოციოლოგიის შესავალი : სოციოლოგიის ძირითადი ცნებები (ავტორი). - თბილისი, უნივერსალი, 2005. - 85გვ. . - ISBN: 9994007025
• Записки Дмитрия Киртадзе : Футурол. зарисовки (ავტორი). - Тбилиси, Мецниереба, 1996. - 211c.
• Современная наука: проблемы и тенденции (ავტორი). - Тбилиси, Сабчота Сакартвело, 1987. - 196с.
• Практическая ценность науковедения (ავტორი). - Тбилиси, Мецниереба, 1980. - 63с.
• Наука и искусство (ავტორი). - Тбилиси, Хеловнеба, 1977. - 139с.
• Классификация наук как философская и науковедческая проблема (ავტორი). - Сухуми, Алашара, 1969. - 256с.