თანამედროვე ქართულ პოლიტიკურ აზროვნებას, რომელიც ცდილობს შეიმუშაოს დემოკრატიული სამართლებრივი სახელმწიფოს აშენების ძირითადი პრინციპები, ბევრი რამ სასარგებლო და რაციონალური შეუძლია მოიძიოს გვიანდელი შუასაუკუნეებისა და ახალი დროის იდეოლოგთა ნააზრევში.
ტიუდორთა ხანის იდეოლოგების შეხედულებებისა და დებულებების დიდი ნაწილი, ჩვენი აზრით, ცხოვრების მიერ კარგად იქნა აპრობირებული და, ამდენად, მათი გათვალისწინება და ერთგვარად "მორგება" ჩვენი სინამდვილისათვის, ხშირ შემთხვევაში, მიზანშეწონილად მიგვაჩნია.