ა. დირის უმეტეს გრამატიკულ შრომებს ლექსიკონები წარმოადგენს. ეს ლექსიკონები დაღესტნური ენების პირველი (და სამწუხაროდ, ზოგჯერ ერთადერთი) სიტყვარებია, რომლებიც დაღესტნელი ხალხის ძვირფას ისტორიულ, კულტურულ და ენობრივ მასალას წარმოადგენენ. ა. დირს ლექსიკონების შედგენის სპეციფიკური მეთოდი არ გააჩნდა, რისი წარმოდგენაც სხვა ლექსიკონებთან შედარებისას არის შესაძლებელი. მიუხედავად ამისა, ხშირადხმარებული ლექსემები წარმოდგენილია ამ ლექსიკონებში.