ნაციონალური ლიტერატურის დრამატურგიული ჟანრის ევოლუციური პროცესების შესწავლის გარეშე შეუძლებელია XX საუკუნის აზერბაიჯანული დრამატურგიის ობიექტურად შეფასება. ნებისმიერი ლიტერატურული ნაწარმოები თავისი ფესვებით მჭიდროდ უკავშირდება ხალხურ შემოქმედებას, ზეპირსიტყვიერების ნიმუშებს. აზერბაიჯანულ ლიტერატურაში სრულყოფილი დრამატურგიული ჟანრის ჩამოყალიბებამდე არსებობდა სახალხო თამაშობანი და აშუღური ხელოვნება. პუბლიკაციაში მოცემულია მ. ახუნდოვის, ნ. ვეზიროვის, ნ. ნარიმანოვის, ა. ახვერდოვის და სხვათა დრამატურგიული ჟანრის ნაწარმოებების განხილვა-შეფასება.