თუმცა კრიტიკული აზროვნების უნარი მნიშვნელოვანი იყო ყველა დროში, მაგრამ მათთვის, ვინც იცხოვრებს XXI საუკუნეში, ის გარდუვალი და განსაკუთრებით საჭიროა. რადგან თითოეულ ადამიანს მოეთხოვება მიიღოს უზღვავი რაოდენობა მნიშვნელოვანი გადაწყვეტილებებისა, ბუნებრივია, რომ თანამედროვე საზოგადოების ინტერესის სფეროს შეადგენს ის, თუ როგორ ხდება ამ გადაწყვეტილებების მიღება. ამ მოთხოვნების გათვალისწინებით უკიდურესად აუცილებელია სწავლების ისეთი ფორმების დანერგვა, რომლებიც საშუალებას მისცემს ადამიანს, იაზროვნოს უფრო პროდუქტულად.

ჩვენი აზრით, პერსპექტივაზე გათვლილი განათლება უნდა იგებოდეს ორ განუყრელ პრინციპზე:

• ახალგაზრდამ უნდა შეიძინოს უნარი ინფორმაციის მჩქეფარე ნაკადში სწრაფი ორიენტირებისა;
• იპოვოს საჭირო ინფორმაცია, შეძლოს მისი გააზრება და გამოყენება.

…