სტატია ეძღვნება "დიგენის აკრიტასში" სასახლისა და ბაღის მშენებლობის ეპიზოდის ინტერპრეტაციის პრობლემას. საკითხი განიხილება გმირ-დიგენის ცხოვრებისეული გზის საერთო ფონზე. მისი გმირობები განიხილება, როგორც ინიციაციის საფეხურები. ამგვარად, სასახლისა და ბაღის მშენებლობა მდინარე ევფრატის სანაპიროზე სიკვდილის წინ ინტერპრეტირდება, როგორც გმირის მიერ მიწიერი სამოთხის შექმნა, რომელმაც სრულყოფილებას მიაღწია. ამასთან დაკავშირებით ხაზგასმულია, რომ "დიგენის აკრიტესში" ბაღის აღწერა ემთხვევა ადრეული ბიზანტიელი ავტორების შეხედულებას მიწიერ სამოთხეზე (გეოგრაფიით, ლანდშაფტითა და ა.შ.).