სტატია ეხება ბრუნების სისტემის კლასიფიკაციის პრობლემას ახალ ბერძნულ ენაში. წარმოდგენილია სამეცნიერო ლიტერატურაში დღემდე არსებული ყველა კლასიფიკაცია, როგორც მ.ტრიანდაფილიდისის საყოველთაოდ მიღებული, ასევე სხვა ალტერნატიული კლასიფიკაციები. ყველაზე სარწმუნო კლასიფიკაციად მიჩნეულია რ. გორდეზიანის, ი. დარჩიასა და ს. შამანიდის მიერ შემოთავაზებული ბრუნების სისტემის კლასიფიკაცია, რომელიც მოცემულია 2001 წელს გამოქვეყნებულ ნაშრომში "ძველი და ახალი ბერძნული (შედარებითი გრამატიკა)", რაც ჩვენს სტატიაში სათანადო დასკვნებითაა დამოწმებული.