წინამდებარე სტატია ეძღვნება ახალი შემოკლებული სიტყვებისა და ერთეულების წარმოების უმთავრეს მიზეზებს. განხილულია აბრევიატურების მნიშვნელობა, წარმოშობისა და განვითარების გზები და საშუალებები სიტყვაწარმოების პროცესში. მოცემულია გრაფიკული და ლექსიკური აბრევიაციების ისტორიული და ქრონოლოგიური კლასიფიკაცია. ენის ლექსიკური სისტემის განუწყვეტელი ცვალებადობა გვაძლევს უამრავ მასალას, რომ გამოვიკვლიოთ სიტყვაწარმოების ამ ტიპის მოქმედება განვითარების რომელიმე კონკრეტულ ეტაპზე, ასევე შევადაროთ მისი ფუნქციონირების თავისებურება განვითარების სხვადასხვა საფეხურზე. სტატიაში განხილულია ის მიზეზებიც, თუ რატომ ვამოკლებთ სიტყვებს და ვაწარმოებთ ახლებს.