ნუ გენაღვლების სწავლაზე ყრმის წკეპლის ცემით კივილი – სტროფი ეხმიანება ებრაელთა ბრძენი მეფის, სოლომონის, სწავლებას: ,,რომელი ერიდებოდის
კუერთხითა ძესა თვისსა, სძულს იგი, ხოლო რომელსა უყვარდეს, გულსმოდგინედ
სწავლინ" (იგავი 13, 24). ,,ნუ განაყენებ ჩჩვილთა ყრმათა სწავლასა; უკეთუ სცე მას
კუერთხითა, არა მოკუდეს. შენ სამე სცე კუერთხითა, ხოლო სული მისი იხსნე სიკუდილისაგან" (იგავი 23, 13-14). ამავე აზრისაა წმინდა ბასილი დიდიც, რომელიც
თვლის, რომ ფიზიკური სასჯელის გამოყენება განსაკუთრებით იმ ყრმათა მიმარ-
თაა აუცილებელი, რომელნიც სწავლისას სულმოკლეობასა და უგულისყურობას
იჩენენ.  წყლურები - წყლულები, ჭრილობები. მოყვინჩლდეს – მოიზარდოს. ყვინჩილა - ზრდადაუმთავრებელი მამალი, მამლაყინწა.  ტაეპის აზრია: ფრთხილად იყავი, რომ [მერე] დასაჩივლი არ გაგიხდეს მისგან წყენა.

მომშვიდდების - დადინჯდება, დამშვიდდება.

გაწბილდების - შერცხვება. აქ: გაიტანჯება, გაწამდება.

რიკ-ფაინა - რიკტაფელა, ჩილიკაობა (ბავშვთა თამაშობა ჯოხით). ჩაჰბილდების
- (ჯოხს) ააცდენს, დააცილებს, ვერ მოახვედრებს (თამაშის დროს). ტაეპის
აზრია: ადამიანმა ყრმობის ასაკში უნდა ისწავლოს, თორემ შემდეგ გაუძნელდება.

ძნიად - ძნელად. ბერფუყი - ბებერი, დაფუტუროებული (ხე).
მხცოვანი - ასაკოვანი, ჭაღაროსანი. მხცე - ჭაღარა.
ახალმორჩი ვაზისა - ვაზის ყლორტი, ახალამონაყარი შტო. საფურჩნელადა -
გასაფურჩვნელად. გაფურჩვნა - ზედმეტი რქისა და ფოთლების საჭიროებისამებრ
მოცილება.

საცნობლად თავისადაო - საკუთარი თავის შესაცნობად, საკუთარი თავის
შესამეცნებლად. ტაეპის აზრია: რათა გააცნობიეროს, რომ უფლის ხატად და მსგავსად არის შექმნილი, გაიაზროს, რა არის მისი მისია ამ წარმავალ წუთისოფელში.
ტაეპის აზრია: ვინც (ღმერთმა) მიწისგან ადამიანის სხეული შექმნა და სული
შთაბერა, რას მიაგებს მას (ადამიანს) ამქვეყნიური ცხოვრების სანაცვლოდ.
რემა - აქ: `გაუხედნელი ცხენი~ (საბა). ხნარცვი - ორმო. ტაეპის აზრია:
გაუხედნავი, უმართავი ცხენივით ორმოში რომ არ ჩავარდეს; განუსწავლელი ადამიანი ცხოვრებისეულ დაბრკოლებებსა და საცდურებს ვერ გაუმკლავდება.