
	English Georgian

Georgian outstanding men's (kings, politicans, writers, art workers, scientists, eclesiastics, members of royal and nobiliary families, public figures, philantropists) activities and biographies.

Correction

ლევან მაგალოვი (მაღალაშვილი)

Date of birth:	10 August, 1879
Date of death:	22 August, 1926 (at 47 years)
Burial location:	მიუნხენი, გერმანია
Category:	Military Person

Biography

თავადი ლევან (ლენკო) ლუარსაბის ძე მაღალაშვილი დაიბადა თბილისში, 1879 წლის 10 აგვისტოს, ტფილისის გუბერნიის თავად–აზნაურთა წიმამძღოლის ოჯახში. დედა – მარიამ მელიქიშვილი. დაამთავრა პაჟთა კორპუსი და ნიკოლოზის საკავალერიო სასწავლებელი. მსახურობდა თერგის კაზაკთა ჯარის ვლადიკავკაზ–სუნჟას პირველ პოლკში ( ხორუნჟი / 9.8.1899). მონაწილეობდა 1900-1901 წწ. ჩინეთზე ლაშქრობაში და რუსეთ–იაპონიის 1904–1905 წლების ომში (ამურის კაზაკთა ჯარის შემადგენლობაში). 1909 წლის 1 იანვრისთვის ლევან მაგალოვი თერგის კაზაკთა ჯარის ვლადიკავკაზ–სუნჟას პირველი პოლკის პოდიასაული იყო; იმავე წლის 24 ივლისისთვის – შტაბს–რიტმისტრი. 1914 წლიდან მონაწილეობდა პირველ მსოფლიო ომში. 1916 წლის 19 დეკემბრიდან გახდა ცხენოსანი პოლკის პოდპოლკოვნიკი, 1916 წლის 11 სექტემბერს პოლკოვნიკის წოდება მიენიჭა, 1917 წლის 5 ივლისს კი დაინიშნა თათართა ცხენოსანი პოლკის მეთაურად.

ლევან მაღალაშვილი 1918 წლის თებერვლის რევოლუციის შემდეგ თეთრ მოძრაობას შეუერთდა, მაგრამ როგორც კი საქართველოს დამოუკიდებლობა გამოცხადდა, იგი ქართული ჯარის რიგებში ჩადგა. 1919 წლიდან გენერალ–ლეიტენანტია. მეთაურობდა თათართა დივიზიას (ხალხში ცნობილია, როგორც „ველური დივიზია“), რომელიც შამქორში აწარმოებდა სისხლისმღვრელ ბრძოლებს ბოლშევიკების წინააღმდეგ.

სამხედრო დამსახურებისთვის ლევან მაღალაშვილი დაჯილდოებული იყო: წმ. გიორგის IV, წმ. ვლადიმერის IV (მახვილებითა და ბაფთით, 1915) ხარისხების ორდენებით.

1921 წლიდან ლევან მაღალაშვილი ემიგრაციაში წავიდა. ცხოვრობდა გერმანიაში, მიუნხენში. გარდაიცვალა მიუნხენის სანატორიუმში ჭლექით. დაკრძალულია იქვე, ადგილობრივ სასაფლაოზე. დაქორწინებული იყო (1907 წლის 29 აპრილი) სოფიო ნიკოლოზის ასულ ბარათაშვილზე (1884–1977). ჰყავდათ ერთი ვაჟი – ნიკოლოზი.

წყარო:

1. ethnicunit.ru/person/magalov-levan-laursabovich/

2. nobility.pro/statia/62-maghalashvili-levan-luarsabis-dze

3. www.grwar.ru/persons/persons.html?id=5475...

4. გოგიტიძე, მამუკა. 1918-1921 : ლევან (ლენკო) ლუარსაბის ძე მაღალაშვილი, თავადი : გენერალ-ლეიტენანტი (1919) // სამხედრო ფიცის ერთგულნი : ბიოგრაფიული ცნობარი) / მამუკა გოგიტიძე, გიორგი ბეჟიტაშვილი. - თბილისი, 2015. - გვ. 37

5. ბეჟიტაშვილი, გიორგი. ლევან ლუარსაბის ძე მაგალოვი (მაღალაშვილი) // ქართული ემიგრაცია ევროპაში (1921-1953) / გ. ბეჟიტაშვილი .– თბ., 2012. - გვ.54