
	English Georgian

Georgian outstanding men's (kings, politicans, writers, art workers, scientists, eclesiastics, members of royal and nobiliary families, public figures, philantropists) activities and biographies.

Correction

გიორგი მამალაძე

Date of birth:	1895
Date of death:	1941 (at 46 years)
Category:	Military Person

Biography

იუნკერი გიორგი მამალაძე 1921 წელს კოჯორ–ტაბახმელას მისადგომებთან იბრძოდა. საქართველოს ანექსიის შემდეგ, იძულებული გახდა სხვა ქართველ იუნკრებთან და სამხედროებთან ერთად ემიგრაციაში წასულიყო.

იგი 1921 წელს ჩავიდა პოლონეთში და ოფიცერთა სკოლის დამთავრების შემდეგ კონტრაქტით ჩაირიცხა პოლონეთის არმიაში, სადაც მაიორის წოდება მიანიჭეს.

მსახურობდა ბენიამინოვის კავშირგაბმულობის ბატალიონის ვარშავის რადიოტელეგრაფის მე-2 პოლკში.

1939 წლის სექტემბრის კამპანიაში გიორგი მამალაძე იბრძოდა გერმანელებისა და საბჭოელების წინააღმდეგ პოლონეთის თავისუფლებისათვის.

შეიძლება ითქვას, რომ მხოლოდ გიორგი მამალაძის წყალობით შემონახული ფოტოალბომი გვიქმნის წარმოდგენას იმაზე, თუ როგორ გამოიყურებოდნენ პოლონეთში მცხოვრები ქართველი ემიგრანტები. ეს ალბომები 1939 წელს შეუფუთავთ და მიწაში შეუნახავთ, რომ ომის ქარცეცხლისგან გადაერჩინათ.

გიორგი მამალაძე მშვენივრად უკრავდა გიტარაზე და ქართველთა წვეულებების სული და გული იყო.

ზუსტად არ ვიცით როგორ დაიღუპა. ერთ-ერთი ცნობით, საბჭოთა ტყვეობაში მოხვედრილი გიორგი მამალაძე და კაპიტანი მიხეილ რუსიაშვილი სტარობელსკის, ოსტანშკოვისა და კოჟელსკის ბანაკების სხვა ტყვეებთან ერთად დახვრიტეს კატინში 1940 წლის გაზაფხულზე. იგი მოიხსენიება სიმბოლურ წარწერაში დედამისის საფლავზე ვარშავის სამხედრო სასაფლაოზე - „გარდაიცვალა კატინში 1940 წელს“.

დავით ყოლბაია კი წერს, რომ 1939 წლის სექტემბრიდან ის იყო ნკვდე-ს ტყვე კოჟელსკის ბანაკში „მალინოვსკის“ ან „იანიშევსკის“ გვარით. საბჭოთა დაზვერვამ მისი ვინაობა გაშიფრა და სხვა ქართველ ტყვეებთან ერთად ბანაკიდან გაიყვანეს, ხოლო რამდენიმე თვის შემდეგ გაასამართლეს. სავარაუდოდ, 1941 წლის 28 ივლისს მოსკოვთან ახლოს „კომუნარკას“ პოლიგონზე დახვრიტეს.

წყარო:

1. ტოროტაძე, ქეთი. კატინის ტყეში დახვრეტილი ქართველი ოფიცრები : და ვარშავის აჯანყების გმირი ქართველი გოგონა / ქეთი ტოროტაძე //ისტორიანი : ისტორიულ-შემეცნებითი ჟურნალი. - თბილისი, 2012. - თებერვალი. - N2 (14). - გვ.36-39.

2. ყოლბაია დავით. რეჩპოსპოლიტას ფრთებქვეშ : ქართული ემიგრაცია პოლონეთში 1921-1939 = Kolbaia David. Pod skrzydłαmi Rzeczypospolitej : Emigrαcjα gruzińskα w Polsce 1921-1939 : [ფოტოალბომი]. - ვარშავა, 2019.- გვ.223
3. https://gfsis.org.ge/files/my-world/10/qartvelebi%20ucxoetshi.pdf