ხატია ბუნიათიშვილი

ხატია ბუნიათიშვილი დაიბადა 1987 წლის 21 ივნისს, ბათუმში. სწავლობდა თბილისის "ნიჭიერთა ათწლედში"(პედაგოგი ე. ქირია); იყო ე. ლეონსკაიას სტიპენდიატი; 2004 წელს ჩააბარა ვანო სარაჯიშვილის სახელობის თბილისის სახელმწიფო კონსერვატორიაში (საფორტეპიანო. პედაგოგი თენგიზ ამირეჯიბი).

კონსერვატორიის დამთავრების შემდეგ სწავლა განაგრძო ვენის მუსიკისა და საშემსრულებლო ხელოვნების უნივერსიტეტში (პედაგოგი ოლეგ მაიზენბერგი).

6 წლის ასაკიდან ეწევა საკონცერტო მოღვაწეობას - როგორც სოლო, ასევე ორკესტრებთან ერთად.

1999 წლიდან არაერთი კონცერტი გაუმართავს ავსტრიაში, შვეიცარიაში, საფრანგეთში, იტალიაში, გერმანიაში, ბელგიაში, პოლონეთში, ჩეხეთში, დანიაში, უკრაინაში, ისრაელსა და აშშ-ში.

თანამშრომლობს სხვადასხვა სიმფონიურ ორკესტრებთან  - BS ვერბიე ფესტივალის, ისრაელისა და სანქტ-პეტერბურგის ფილარმონიული, არტურ რუბინშტეინის ფილარმონიული, საქართველოს ეროვნული სიმფონიური ორკესტრები და სხვა.

მისი კონცერტები იმართებოდა ისეთ ცნობილ დარბაზებში, როგორიცაა: კარნეგი–ჰოლი (ნიუ–იორკი), შანზ–ელიზეს თეატრი (პარიზი), ლუვრის აუდიტორიუმი, მუსიკის ნორმალური სკოლა (École normale de musique de Paris), გავოს დარბაზი, ვენის კონცერტჰაუსი და დარბაზი "Musikverein", მონაკოს ოპერა, სანქტ-პეტერბურგის ფილარმონიის დიდი დარბაზი, თბილისის ოპერისა და ბალეტის თეატრი და სხვა. 

ხატია მონაწილეობდა ისეთ მნიშვნელოვან ფესტივალებში, როგორიცაა: „Verbier Festival“, „Progetto Martha Argerich“, „Menuhin Festival Gstaad“, „Sommets Musicaux de Gstaad“, „Musicales de Compesières“ (შვეიცარია), გიდონ კრემერის „Internationales Kammermusikfest Lockenhaus“ (ავსტრია), საერთაშორისო მუსიკალური „Elba isola musicale d’Europa“- იტალია (თავმჯდომარე იური ბაშმეტი), „Les nouveaux Solistes aux Serres d’Auteuil“ (პარიზი), „Chamber Music Connect the World 2008“ - კრონბერგ აკადემია (გერმანია), „შემოდგომის თბილისი“, „Musical Olympus International Festival“- სანქტ-პეტერბურგი და სხვა.

აღიარებულია ლისტის ნაწარმოებთა საუკეთესო შემსრულებლად.

ხატია ბუნიათიშვილი რამდენიმე საერთაშორისო კონკურსის ლაურეატია. მათ შორის მნიშვნელოვანია: ვ. ჰოროვიცის სახელობის ახალგაზრდა შემსრულებელთა კონკურსი (კიევი), სპეციალური პრიზი (2003).

პიანისტთა თბილისის III საერთაშორისო კონკურსი (II პრემია და სპეციალური პრიზი „არტისტიზმისათვის“, 2005, თბილისი).

არტურ რუბინშტეინის სახელობის XII საერთაშორისო საფორტეპიანო კონკურსი (III პრემია და სპეციალური პრიზები: „შოპენის IV ბალადის  საუკეთესო შესრულებისათვის“ და „მსმენელის სიმპათია“, 2008, ისრაელი, თელ-ავივი).

შოთა რუსთაველის სახელობის სახელმწიფო პრემია (2012).

ხა­ტია ბუ­ნი­ა­თიშ­ვი­ლი წლე­ბია ცხოვრობს და მოღვაწეობს საფრანგეთში, პარიზში. იგი სა­ქარ­თვე­ლო­სა და საფ­რან­გე­თის მო­ქა­ლა­ქეა. პი­ა­ნის­ტი ორ­ჯერ გახ­და ერთ-ერთი ყვე­ლა­ზე პრეს­ტი­ჟუ­ლი ჯილ­დოს Echo Klassik-ის ლა­უ­რე­ა­ტი - 2012 წელს ფე­რენც ლის­ტის ალ­ბო­მის­თვის და 2016 წელს ალ­ბო­მის­თვის "კა­ლე­ი­დოს­კო­პი", რო­მელ­შიც შე­ვი­და მუ­სორგსკის, რა­ვე­ლი­სა და სტრა­ვინ­სკის ნა­წარ­მო­ე­ბე­ბი.

წყარო:

ქართული მუსიკის ენციკლოპედიური ლექსიკონი. – თბ., 2015. – გვ. 83 

https://ka.wikipedia.org/wiki//ხატია_ბუნიათიშვილი