მაკა დადიანი

ოდი­შის მთავართა შთამომავალი, შვეიცარიაში მოღვაწე ვიზუალურ-კონცეპტუალური მხატვარი მაკა დადიანი თბილისში დაიბადა. მამა - რობერტ დადიანი, დედა - გურანდა ტყავაძე. გოგონას  მუსიკალური ნიჭი ადრეულ ასაკში აღმოაჩნდა და მშობლებმა მუსიკალურ სკოლაში შეიყვანეს.

მაკა სკოლას ამთავრებდა, როცა დედა გარდაეცვალა. სამ მცირეწლოვან ბავშვს მამა და ბებია ზრდიდნენ. უმცროსი ვაჟი, დუდუ დადიანი, სულ რაღაც ოთხი წლის იყო. მაკა და მისი უფროსი ძმა, ლევანი, მასზე დიდებივით ზრუნავდნენ და მის გაზრდაში თავისი წვლილი შეიტანეს. დუდუ კარგი კალათბურთელი დადგა, 1990-იანი წლების თბილისში ერთ-ერთი ყველაზე პოპულარული ბიჭი გახლდათ. სამწუხაროდ ძალიან ახალგაზრდა, 32 წლის ასაკში დაიღუპა.

მაკა წარმატებული მოსწავლე იყო და პიანისტობას გეგმავდა, თუმ­ცა მუ­სი­კას­თან ერ­თად ბავ­შვო­ბი­დან­ვე იზი­დავ­და მხატ­ვრო­ბა. სიამოვნებით  ქმნი­და ცნო­ბი­ლი მხატ­ვრე­ბის ნა­მუ­შევ­რე­ბის ას­ლებს, რო­გო­რი­ცაა ლე­ო­ნარ­დო, მი­ქე­ლან­ჯე­ლო, რა­ფა­ე­ლი, რუ­ბენ­სი …, და ეს ძალიან კარგად გამოსდიოდა.

მუ­სი­კა­ლუ­რი სკო­ლის დას­რუ­ლე­ბის შემ­დეგ თბი­ლი­სის სახელმწიფო კონსერვატორია  და­ამ­თავ­რა კონ­ცერ­ტმა­ის­ტე­რის გან­ხრით, მაგრამ ხატ­ვის სიყ­ვა­რუ­ლის გამო, 23 წლის ასაკ­ში მუ­სი­კო­სის კა­რი­ე­რა მი­ა­ტო­ვა და ხე­ლოვ­ნე­ბის სწავ­ლა და­ი­წყო.

1983 წელს გაიმართა მისი პირ­ვე­ლი სოლო გა­მო­ფე­ნა;

1988 წელს მაკა დადიანმა მუშაობა დაიწყო თბილისის პუშკინის სახელობის სახელმწიფო პედაგოგიურ ინსტიტუტის სახვითი ხელოვნების კათედრაზე, ასოცირებულ პროფესორად;

1989 წლიდან მუშაობდა თბილისის მხატვართა სახლში. სამოქალაქო ომის დროს, 1991 წელს, მხატვართა სახლი სრულად დაიწვა და მისი ბევრი ნამუშევარი განადგურდა. მიუხედავად ამისა, ხატვა განაგრძო და გამოფენებშიც მონაწილეობდა.

მაკა დადიანის ნამუშევრები და მხატვრობის სტილი საკმაოდ მრავალფეროვანია, დაწყებული პორტრეტებით, დამთავრებული აბსტრაქციებით. 2006 წლამ­დე იგი ძი­რი­თა­დად ზე­თის სა­ღე­ბა­ვე­ბით ხა­ტავ­და, მაგრამ მუდ­მი­ვად ეძებდა გა­მო­ხატ­ვის ახალ გზებს, ქმნიდა სპეციალურ ტექნიკას სამ­გან­ზო­მი­ლე­ბი­ანი ეფექ­ტებისა და რე­ლი­ე­ფური ფორ­მების მისაღწევად. ხანგრძლივი ძიების შემდეგ მან შექმნა ახალი კონცეფცია სახელწოდებით "მოძრავი მხატვრობა" ("Moving Fine Arts").

მა­კას რო­გორც პორ­ტრე­ტის­ტი­სა და მხატ­ვრის ვირ­ტუ­ო­ზო­ბა ფარ­თოდ აღი­ა­რე­ბუ­ლია. მან შექმნა სხვა ცნობილ პიროვნებებთან ერთად ესპანეთის მეფე ხუან კარლოს I-ის პორტრეტი, რომელიც 2011 წლიდან ინახება მადრიდში, ლა სარუელას სასახლის კოლექციაში.

მაკა და­დი­ა­ნი ხში­რად მო­ნა­წი­ლე­ობს სა­კუ­თა­რი ნა­მუ­შევ­რე­ბით კერ­ძო და სა­ჯა­რო გა­მო­ფე­ნებ­ში. მაგალითად, წარმატებით ჩატარდა მისი გამოფენა ციურიხში (Art International Zurich 2020), სადაც ახალი აბსტრაქტული კოლექცია “მეტამორფოზა” წარადგინა; 2024 წლის 4 აპრილიდან 7 აპრილის ჩათვლით ნიუ-იორკში მიმდინარეობდა გამოფენა Art Expo New York, რომელშიც ქართველი მხატვრები - მაკა დადიანი, არსენ გვენეტაძე, კახა ესებუა, ნიკოლოზ მესხიშვილი და თემურ ლომიძე მონაწილეობდნენ და ა.შ.;

მაკა დადიანის ნამუშევრები ბევრ კერძო კოლექციაში ინახება, მათ შორის: ესპანეთის მეფის ხუან კარლოს ბურბონის კოლექციაში მადრიდში; შვეიცარიელი ბიზნესმენის პეტერ სულცერის, პრინცესა კაროლინ მიურატის, ლიანა ისაკაძის, მურანოს ბროლის ცნობილი კოლექციონერის, პეტერ გრიუნბაუმის და გერმანელი ადვოკატის, იოჰანეს პეტერ აკერმანის კოლექციებში;  

მხატვრის ხუთი ნა­მუ­შე­ვა­რი და­ცუ­ლია მოს­კო­ვის თა­ნა­მედ­რო­ვე ხე­ლოვ­ნე­ბის მუ­ზე­უ­მის ფონდში;

მაკა დადიანი არის არა­ერ­თი მხატ­ვარ­თა კავ­ში­რის წევ­რი, რო­გო­რი­ცაა: ქარ­თუ­ლი მხატ­ვარ­თა ასო­ცი­ა­ცია, გერ­მა­ნუ­ლი მხატ­ვარ­თა კავ­ში­რი „Syrlin“, შვე­ი­ცა­რი­უ­ლი მხატ­ვარ­თა კავ­ში­რი „Artischock“ და იტა­ლი­ის ტოს­კა­ნა­ში მდე­ბა­რე უგო გუ­ი­დის მუზეუმი;

ამჟამად მაკას ხელოვნებას კურირებს ჰაინც პლეინერი, PARS გალერეის დირექტორი და MAMAG თანამედროვე ხელოვნების მუზეუმის კურატორი;

მაკა დაქორწინებულია შვეიცარელ მხატვარ პიერ შვანცერბახზე. მომავალი მეუღლე მან საქართველოში გა­იც­ნო. მა­შინ დუდუ რამ­დე­ნი­მე თვის გარ­დაც­ვლი­ლი იყო და მა­კას ცხოვ­რე­ბა­ში რთუ­ლი პე­რი­ო­დი ჰქონ­და. ორი წლის შემ­დეგ ისევ შეხ­ვდნენ ერ­თმა­ნეთს და და­ო­ჯახ­დნენ.

მაკა და­დი­ა­ნი ციურიხში 2004 წელს გა­და­ვი­და  და დღემ­დე იქ ცხოვ­რობს და მოღვაწეობს. აქ მდებარეობს მისი სახელოსნო, სადაც მხატვარი მუშაობს და ქმნის მოძრავ სახვით ხელოვნებას, პორტრეტებსა და აბსტრაქტულ ტილოებს.

მა­კას პირ­ვე­ლი ქორ­წი­ნე­ბი­დან ჰყავს ქა­ლიშ­ვი­ლი ეკა­ტე­რი­ნა და­დი­ა­ნი, რო­მე­ლიც დე­დას­თან ერ­თად წა­ვი­და შვე­ი­ცა­რი­ა­ში და იქ და­ო­ჯახ­და.

წყარო: 

https://speech.ge/khelovneba/maka-dadiani-mkhatvari-shveitsaria

https://www.ambebi.ge/article/317721-dudu-dadianis-ulamazesi-da-romelsac-sazgvargaret/