ილია ინაიშვილი

უკრაინაში მოღვაწე მუსიკოსი, დირიჟორი ილია ინაიშვილი (Iliko Inaishvili)
დაიბადა 1985 წლის 20 ოქტომბერს, ქ. ქობულეთში.

2006 წელს დაამთავრა საქართველოს ტექნიკური უნივერსიტეტის ჰუმანიტარულ-ტექნიკური ფაკულტეტი სახელმწიფო მართვის მოხელის სპეციალობით;

2008 წელს გახდა საქართველოს პრეზიდენტის სტიპენდიანტი;  

დამთავრებული აქვს  ვ. სარაჯიშვილის სახელობის თბილისის სახელმწიფო კონსერვატორია (საგუნდო–სადირიჟორო),პროფესორ ლიანა ჭონიშვილის კლასი (2004–2008) და უკრაინის პ. ჩაიკოვსკის სახელობის ეროვნული მუსიკალური აკადემიის საოპერო–სიმფონიური დირიჟორობის ფაკულტეტი,  პროფესორ ვიქტორ ზდორენკოს კლასი (2008–20012);

2015 წელს გაიარა ამავე ფაკულტეტის მაგისტრატურა და ასისტენტურა–სტაჟირების კურსი, უკრაინის სახალხო არტისტის, პროფესორ ვიქტორ ზდორენკოს ხელმძღვანელობით;
2015 წლის 1 დეკემბრიდან დღემდე არის ამავე აკადემიის საოპერო სტუდიის დირიჟორი, 2018 წლიდან კი საოპერო მომზადებისა და მუსიკალური რეჟისურის კათედრის პედაგოგი;

თანამშრომლობდა ისეთ კოლექტივებთან, როგორებიცაა: უკრაინის ეროვნული, ჩერნიგოვის ფილარმონიული, ბათუმის სახელმწიფო მუსიკალური ცენტრის, საქართველოს ფილარმონიული,  უკრაინის ეროვნული მუსიკალური აკადემიის საოპერო სტუდიის, ევგენი მიქელაძის სახელობის საქართველოს ეროვნული სიმფონიური ორკესტრები და სხვ.;
მუსიკოსი ხშირად გამოდის პიანისტის ამპლუაში (კონცერტმაისტერი), როგორც ინსტრუმენტალისტებთან, ასევე მომღერლებთან;

ილია ინაიშვილი ხშირად მართავს კონცერტებს საქართველოში: 2021 წლის ნოემბერში მონაწილეობდა ბათუმში გამართულ,ფესტივალში - ''მოგზაურობა ოპერის სამყაროში'';

2022 წლის ივნისის თვეში მონაწილეობა მიიღო უკრაინის მხარდამჭერ კონცერტებში ბათუმსა და თბილისში; 2024 წლის 20 ივნისს, თბილისში უდირიჟორა ეროვნული სიმფონიურ ორკესტრს. შესრულებლები: ირინა შერაზადიშვილი, მეცო-სოპრანო და დავით ალადაშვილი, ფორტეპიანო; 2024 წლის 10 ოქტომბრს კი გამოვიდა კონსერვატორიის სტუდენტურ სიმფონიურ ორკესტრთან ერთად. სოლისტები: პიანისტები - ბარბარა თათარაძე და  ნინო კასრელიშვილი;

წყარო:

http://www.nplg.gov.ge/bios/ka/00008149/

https://www.facebook.com/photo.php?fbid=308908664404045&id=103413011620279&set=a.112656234029290&locale=ka_GE