დოდონა კიზირია

ფილოლოგი, პოეტი დოდონა ივანეს ასული კიზირია დაიბადა 1938 წლის 21 მარტს ქ. თბილისში.

დაამთავრა მოსკოვის საკავშირო კინემატოგრაფიის ინსტიტუტი; შემდეგ სწავლა განაგრძო ინდიანას უნივერსიტეტში  (აშშ), სადაც მიენიჭა ფილოსოფიის დოქტორის ხარისხი;

არის ინდიანას უნივერსიტეტის პროფესორი; 

1972–2012 წწ. ასწავლიდა საბჭოთა და აღმოსავლეთ ევროპის კინოს ისტორიასა და თეორიას, XIX და XX სს. რუსულ ლიტერატურას, ქართულ ენას;

ავტორია ლექსების კრებულებისა: "ლექსები" (1995, კალიფორნია), "ნაპირები" (ლექსები, თარგმანები, თბ., 2010) და სხვ.;

2018 წელს  თბილისში გამომცემლობა არტანუჯის მიერ გამოიცა დოდონა კიზირიას მოგონებების ორი წიგნი: „მოგონებები“ და „პუტჩი“.

წყარო: 

საქართველო: ენციკლოპედია: ტ.5. -თბილისი, 2023. -გვ. 22