ანა შელია

მო­დე­ლი ანა შელია 1990-იანი წლების საქართველოს ეროვნული საფეხბურთო ნაკრების წამყვანი მოთამაშის მურ­თაზ შე­ლი­ა­სა და წარ­სულ­ში ცნო­ბი­ლი მო­დელის, ლიკა კვა­რა­ცხე­ლი­ას უფ­რო­სი ქა­ლიშ­ვი­ლია. ჰყავს და-ძმა - ელე­ნე და და­თუ­ნა. ანას მშობლები დღეს ბიზნესში მოღვაწეობენ. ლიკა კვარაცხელია რესტორნების ქსელის მმართველია, თუმცა, პარალელურად, არც მოდის სფეროს ივიწყებს და სამოდელო სააგენტო „Geomodels“-თან თანამშრომლობს.

ანა შელიას სამოდელო კარიერაც თაკო ჩხე­ი­ძის სა­მო­დე­ლო სა­ა­გენ­ტო „Geomodels“-ში დაიწყო. მას შემდეგ მის კარიერაში არაერთი მნიშვნელოვანი ჩვენება ყოფილა: 12 წლის ასაკ­ში თბი­ლი­სის მო­დის კვი­რე­ულ­ზე გა­მო­ვი­და, 14 წლისამ თურ­ქულ სა­მო­დე­ლო სა­ა­გენ­ტო Option Model Management-თან გააფორმა ორ­წლი­ა­ნი კონ­ტრაქ­ტი და სტამ­ბულ­ში წა­ვი­და, 15 წლის ი­ყო, რო­დე­საც მი­ლან­ში „ზუ­ჰა­ირ მუ­რად რეს­ტორტ 2015“-ში გა­და­ი­ღეს, 2016 წელს პარიზის მოდის კვირეულზე სუ­პერ­პო­პუ­ლა­რუ­ლი თეთ­რე­უ­ლის ბრენ­დის „ეტა­მის“ ახა­ლი კო­ლექ­ცი­ის ჩვე­ნე­ბა­ში მი­ი­ღო მო­ნა­წი­ლე­ო­ბა და მსოფ­ლი­ოს წამ­ყვა­ნი ჟურ­ნა­ლე­ბის ფურ­ცლებ­ზეც აღ­მოჩ­ნდა. განსაკუთრებით პოპულარული კი 2017 წელს გახდა, როცა მონაწილეობა მიიღო ბრიტანული მოდის სახლის, Ralph & Russo-ს ჩვენებაში, Victoria's Secret-ის საპატიო სუპერმოდელ ალესანდრა ამბროსიოსთან ერთად.

ანას დამთავრებული აქვს თბილისის მეექვსე საავტორო სკოლა.

2018 წელს ანა შელიამ მორაგბე ლაშა ლომიძეზე იქორწინა. დღეს მათ ქალ-ვაჟი, ელი და ვატო ჰყავთ, რომლებიც საფრანგეთში დაიბადნენ. 
ლაშა ლომიძე 1992 წლის 30 ივნისს დაიბადა. იგი საქართველოს მორაგბეთა ეროვნული ნაკრების მე-8 ნომერია. 2012 წელს ლაშა საფრანგეთში გუნდ „მონტპელიეს“ შემადგენლობაში თამაშობდა, 2 წლის შემდეგ ფრანგულ „ბეზიერსში“ გადავიდა, 2017-2018 წლებში ინ­გლი­სუ­რი რაგ­ბის კლუ­ბის London Irish-ის მო­რაგ­ბე იყო, შემდეგ ლაციოში თამაშობდა, 2020 წლიდან ფრანგული კლუბის "DAX"-ის წევრი გახდა, ამჟამად კი კვლავ ფრან­გუ­ლი "ბე­ზი­ერ­სის“ ღირ­სე­ბას იცავს.

დაოჯახების შემდეგ ანამ კარიერაზე დროებით უარი თქვა. ახლა კი კვლავ უბრუნდება პროფესიას და დროდადრო მონაწილეობს ისეთი ბრენდებისა თუ კომპანიების სარეკლამო კამპანიებში, როგორებიცაა: PSP, S-SOCIETY, PARFOIS, OYSHO, Lutecia და სხვ. 

2023 წელს ანამ დაამთავრა თბილისის Alte University • ალტე უნივერსიტეტი – საერთაშორისო ურთიერთობების ფაკულტეტი. 

2025 წელს ანა შელია Marie Claire-ის ფრანგული გამოცემისთვის გადაიღეს. Marie Claire გახლავთ ფრანგული საერთაშორისო ყოველთვიური მოდის ჟურნალი, რომელიც ფოკუსირებულია მსოფლიოს ქალებსა და გლობალურ საკითხებზე, პირველად გამოიცა საფრანგეთში 1937 წელს და მას შემდეგ გამოიცემა მრავალ ქვეყანაში, სხვადასხვა ენაზე.

წყარო:
https://marao.ge/article/40078-cnobili-mshoblebi-sportsmeni-meugle-da-carmatebuli-kariera-ana-shelia/

შელია ანა. Insta Inspiration / ანა შელია // OK! საქართველო: ყოველთვიური ჟურნალი. თბილისი, 2023. სექტემბერი. N 110. გვ. 80.

შელია ანა. არასოდეს არ უნდა დაკარგო თვითდაჯერებულობა - მაშინაც კი, თუ ათი ქასთინგის შემდეგ, ათივეზე უარს მიიღებ: ინტერვიუ / ესაუბრა თაკო გვაზავა // OK! საქართველო: ყოველთვიური ჟურნალი. თბილისი, 2017. ნოემბერი. N40. გვ. 24-26.