გია მიმინოშვილი

კერამიკოსი, ხელოვანი, დიზაინერი გია მიმინოშვილი დაიბადა 1958 წელს, საქართველოში.

1983 წელს დაამთავრა თბილისის სახელმწიფო სამხატვრო აკადემია;

1987 წელს მიიღო თბილისის ტექნიკური ინსტიტუტის კინო-ფოტო ფაკულტეტის  „ავტორ-ოპერატორის“ დიპლომი;

1989 წელს დააარსა „ვარძია არტ ჯგუფი“;

გია მიმინოშვილი ერთ-ერთი გამორჩეული ფიგურაა თანამედროვე ქართული კერამიკის ისტორიაში. მისი შემოქმედება გამოირჩევა, როგორც ტექნიკური დახვეწილობით, ისე კონცეპტუალური სიმძაფრით.

1993 წლიდან ცხოვრობდა და მუშაობდა კიევში, როგორც ინტერიერის კერამიკული გამფორმებელი, ფუნქციური სივრცითი ობიექტების დიზაინერი და თავისუფალი ხელოვანი. ის იყო ხელოვანი, რომელიც იკვლევდა ფორმასა და სივრცეს თიხის მეშვეობით და ქმნიდა თანამედროვეობისა და ტრადიციის გაერთიანებულ ხედვას.

მხატვარი-კერამიკოსი მონაწილეობდა სოლო და ჯგუფურ გამოფენებში: კიევი (უკრაინა), თბილისი (საქართველო), გრინვილი, სამხრეთ კაროლინა (აშშ), პარიზი (საფრანგეთი), ჰერნინგი (დანია), რომი (იტალია), სიეტლი (აშშ), კაუნასი (ლიეტუვა) და სხვა.

გია მიმინოშვილი გარდაიცვალა 2025 წელს.

წყარო:

https://art.gov.ge/ge/portfolio/მიმინოშვილი-გია/

https://www.instagram.com/reel/DJv7LoGoDln/