გიორგი თურქესტანიშვილი

რუსეთის იმპერიის არმიის გენერალ-მაიორი (14.04.1789) გიორგი (ეგორ) თურქესტანიშვილი (თურქესტანოვი) დაიბადა 1730 წელს სანკტ-პეტერბურგში. მშობლები: ბაადურ თურქესტანიშვილი და ნინო მაჭავარიანი. 

1751 წლიდან სამხედრო სამსახურში იყო. 1784 წ-იდან პოლკოვნიკის ჩინით მუშაობდა სამხედრო კოლეგიის ობერ-კონტროლიორად, 1785 წლიდან – გენერალ- კონტროლიორად.

 ერთგული სამსახურისათვის დაჯილდოებულია წმინდა ვლადიმირის II და III ხარისხის ორდენებით, რომლებიც მას პირადად გადასცა იმპერატორმა ეკატერინე II-მ. სიცოცხლის ბოლო წლები გაატარა საკუთარ მამულში, იაროსლავლის გუბერნიაში. დაქორწინებული არ იყო.

გარდაიცვალა 1795 წლის 25 იანვარს პეტერბურგში. დაკრძალულია ალექსანდრე ნეველის ლავრაში.

წყარო:
1. https://nobility.pro/ru/statya/842-turkestanov-egor-borisovich.html 

2. საქართველო: ენციკლოპედია: ტ. IV. -თბ., 2018. -გვ.130.