ნინო ლომსაძე

მხატვარი ნინო ლომსაძე ავსტრიაში, ქალაქ ლინცში ცხოვრობს. დაიბადა და გაიზარდა თბილისში. ხატვა ბავშვობიდან უყვარდა. ამბობს, რომ თავიდანვე იზიდავდა აბსტრაქცია და სურეალიზმი.

ნინომ თბილისის სახელმწიფო სამხატვრო აკადემიაში მოდის დიზაინის ფაკულტეტი დაამთავრა, მაგრამ დიზაინერობას მაინც ხატვა არჩია.

2004 წლიდან ცხოვრობს ავსტრიაში. თავიდან ბავშვის მომვლელად წავიდა და ხატვისთვის არც დრო ჰქონდა და არც პირობები. ხატვას 2006 წელს მიუბრუნდა და თანდათან კვლავ ირწმუნა საკუთარი ძალების.

ამჟამად ნინო სკოლაში მუშაობს. ამავე დროს, თავის ქალაქში გაწევრიანებულია მხატვართა კავშირში და პერიოდულად მონაწილეობს გამოფენა-გაყიდვებში, ნამუშევრებიდან მიღებული თანხით კი მოგზაურობს.

ნინო ლომსაძე ხატავს შერეული ტექნიკით. მისი ნამუშევრები გამოფენილი იყო ევროპის ქვეყნებში. მონაწილეობა აქვს მიღებული  ბევრ გამოფენაში, ძირითადად გერმანიასა და ავსტრიაში.

წყარო:

1. https://weekofart.com/participants//ნინო-ლომსაძე/

2. https://www.radiotavisupleba.ge/a/31839981.html